بنگەهێ لالش تايێ باعەدرێ و دەزگەهێ خێرخوازیێ بارزان خۆلەك بۆ ئافرەتان ڤەکر
تۆرا لالش:
ب مەرەما پشتەڤانی ل تەخا نیڤا جڤاکی و پشکداریکرنا وێ د بیاڤێن ژیانێ دا، رۆژا چارشەمبوویێ رێکەفتی (26/ 10/ 2022) بنگەهێ لالش تایێ باعەدرێ ب هەڤکاری دگەل دەزگەهێ خێرخوازیێ بارزانی خۆلەکا دروارێ بۆ ژمارەکا ئافرەتان ل ناحیا باعەدرێ ڤەکر و ب ئامادەبوونا نوێنەرێن رێکخەرێن خۆلێ.
بەرپرسێ بنگەهێ لالش تایێ باعەدرێ بەڕێز (خلات باعەدری) ل رێ و رەسمێن ڤەکرنا خۆلێ تەکەز ل سەر گرنگیا ڤان جۆرە خۆلان وەکو خۆلێن پیشەیی دژیانێ دا بۆ ئامادەبوویان بەحسکر، هەروەها ئاماژەدا رێنما و پێگیربوونێ ب دەمێ خۆلێ پێخەمەت مفا وەرگرتن ژخۆلێ د کاروانێ ژیانێ دا ل داهاتی.
هەژی گوتنێ یە خۆلا نافهاتی بۆ دەمێ 10 رۆژان بەردەوام دکە ، و رۆژانە دوو دەمژمێران وانەیێن خۆلێ ژلایێ راهێنەرەکا خودان سەربۆر دڤی بیاڤی دا دهێنە گۆتن بۆ خانمێن پشکدار و هەموو پێدڤیێن خۆلێ ژلایێ رێکخەرێن خۆلێ ڤە هاتینە دابینکرن.
تُتاح هذه الصورة أيضا في: کوردی
