نڤيسكار”كارزان فه‌قى” په‌رتۆكا خۆ پێشكێشى بنگه‌هێ لالش كر
تۆرا لالش/دهۆك
دسه‌ره‌دانه‌كێ دا بۆ ده‌سته‌يا بلندا بنگه‌هێ لالش،نڤيسكار و رۆژنامه‌ڤان “كارزان فه‌قى” په‌رتۆكا خۆ يا نوو بناڤێ(هۆزان د ڕەوشێن نە لباردا)پێشكێشى په‌رتۆكخانا بنگه‌هى كر.ئيرۆ27ى چريا ئێكێ 2022، نڤيسكارو رۆژنامه‌ڤان كارزان فه‌قى سه‌ره‌دانا بنگه‌هێ لالش ل دهۆكێ كر و ژلايێ به‌رێز”سه‌عيد جردۆ” سه‌رۆكێ بنگه‌هى و “سه‌عيد خودێدا” جێگرێ سه‌رۆكێ بنگه‌هێ لالش و “جه‌عفه‌ر سمۆ”به‌رپرسێ پشكا ره‌وشه‌نبيرى ڤه هاته پێشوازيكرن.
دسه‌ره‌دانێ دا نڤيسكارێ ناڤهاتى په‌رتۆكا خۆ يا نوو بناڤێ(هۆزان د ڕەوشێن نە لباردا)پێشكێشى په‌رتۆكخانا بنگه‌هێ لالش كر.
پەرتۆكا ناڤبرى د کوکا خوەدا، نامەکا ماستەرێ یە و تێدا “ڕوودانێن سیاسییێن باشوورێ کوردستانێ قۆناغا 2014-2018 و ڕەنگڤەدانا وان د هۆزانا هەڤچەرخا دەڤەرا بەهدیناندا” هاتیە شڕۆڤەکرن،هەر سێ روودانێن “شەرێ دژی داعشێ، ریفراندۆما سەرخوەبوونێ و روودانێن شازدەی ئۆكتۆبەرێ” و دەرئەنجامێن وان، هەم ژلایێ تیۆریڤە و هەم ژی رەنگڤەدانا وان دهۆزانێن دەڤەرێدا هاتیە باسكرن و شرۆڤەكرن.
پەرتۆكا(هۆزان د ڕەوشێن نە لباردا)،بابەت(ڤەكۆلین)چاپا ئێكێ 2022 ژ زنجيره وەشانێن دەزگەها سپیرێز بۆ چاپ و وەشانێ هاتيه وه‌شاندن.
تُتاح هذه الصورة أيضا في: کوردی