نوونه‌رێ ئێزدیان ل كۆمیتا ناڤه‌ندییا پارتی هاته دیار كرن
خانى نيوز:
ل سه‌ر راسپاردا سه‌رۆك بارزانی، مه‌حموود ئێزدی، وه‌كو نوونه‌رێ پێكهاتێ ئێزدییان دبیته ئه‌ندامێ كۆمیتا ناڤه‌ندی یا پارتی دیموكراتی كوردستان.
ئه‌ڤرۆ دوشه‌مبی، مەکتەبا سیاسی یا پارتی پەیوەندی ب مه‌حموود ئیزدی كرییه و بۆ وی دیار كرییه، كو ل سەر راسپاردا سەرۆک بارزانی ئه‌و وەکو نوونەرێ ئێزدییان ل کۆمیتا ناڤەندی یا پارتی هاتییه دەستنیشان کرن.
ل رۆژا (6 چرییا دویێ 2022)، پشتی ئاشكراكرنا ئه‌نجامێن هه‌ڵبژارتنێن ئه‌ندامێن كۆمیتا ناڤه‌ندی یا پارتی دیموكراتی كوردستان و ژ ئه‌گه‌رێ سه‌رنه‌كه‌فتنا چ كاندیدێن پێكهاتێ كوردێن ئێزدی، سه‌رۆك بارزانی داخواز ژ ئه‌ندامێن كۆنگرێ 14 ێ یێ پارتی كر، ده‌ستهه‌لاتێ بده‌نه وی بۆ راستكرنا وان كێماسییان و كه‌سه‌كێ وه‌كو نوونه‌رێ ئێزدییان بۆ كۆمیتا ناڤه‌ندی یا پارتی دیار بكه‌ت و ب و تێكرایا ئه‌ندامێن كۆنگره‌یی داخوازییا سه‌رۆك بارزانی هاته په‌سه‌ند كرن.
تُتاح هذه الصورة أيضا في: کوردی