بنگەهێ لالش مامۆستایێن خانەنشینێن باعەدرێ خەلات دكهت
تۆرا لالش:
هەمبەر کەد و خزمەت و ماندووبوونا مامۆستایێن خانەنشین و درێغی نەکرن د ئاڤاکرن و پەروەردەکرنا چەندها گەنج و لاوێن ڤی وەلاتی، ئیرۆ رۆژا چارشەمبوویێ رێکەفتی (29/ 3/ 2023) و ب ئامادەبوونا رێڤەبەرێ ناحیا باعەدرێ بەڕێز (شمال محمد أديب) و بەڕێز (سعيد جردو) سەرۆکێ دەستەیا بلند و شاندێ دگەل دا و رێڤەبەرێ پەروەردا شێخان بەڕێز (فرج عثمان سيتو) و و خانم (إيثار كريم) کارگێرێ لیژنا ناوچا باعەدرێ یا PDK و شاندێ دگەل دا و ئەنجومەنێ مالا میران و مامۆستایێن خانەنشین و ریهسپی و رێڤەبەر و نوێنەرێن دام و دەزگەهێن حکومی ل باعەدرێ و مامۆستا و لاو و قوتابیان ، ڕێ و رەسمێن خەلاتکرنا مامۆستایێن خانەنشینێن سەنتەرێ ناحیا باعەدرێ ل هۆلا ئامادەیا باعەدرێ ب رێڤەچوون.
پشتی دەقیقەک راوەستیان وەکو رێزگرتن ل گیانێ شەهیدان بزاڤا ڕزگاری خوازا کوردی سەرکێشێ وان بارزانیێ نەمر ڕێ و رەسمان دەستپێکر.
ل دەستپێکێ بەرپرسێ بنگەهێ لالش تایێ باعەدرێ بەڕێز (خلات باعەدری) بخێرهاتنا تەڤایا ئامادەبوویان کر و چەند پەیڤ و گۆتن دەرحەقێ کەدا مامۆستایێن ماندوو نەناس ئینا زمان و ئەرک و کارێ بەرز و بلند نرخاند.
* لدووڤدا بەڕێز( شمال محمد أديب) رێڤەبەرێ ناحیا باعەدرێ دپەیڤەکا جوان و بالکێش دا رۆل و گرنگی مامۆستایێن خانەنشین بەحسکر، دگەل ئاماژەپێکرین ب چەندین گۆتن و سەربۆر ل دۆر پێگەهێ مامۆستایان تەڤلی گۆتنێن خۆکرن.
پاشی کورتە ڤیدیۆیەک ل دۆر ژیانناما 14 مامۆستایێن خانەنشین هاتە نمایشکرن.
ل داویێ هەموو مامۆستایێن خانەنشین ب قەڵغانێ ڕێزلێنانێ و دیاریێن بنگەهێ لالش تایێ باعەدرێ هاتنە خەلاتکرن و ژلایێ ئامادەبوویان ڤە هاتنە پارڤەکرن.
ب ڤی ئاوایی دەمەک بالکێش و زێڕین دگەل مامۆستایێن سەرکێشێن باعەدرێ دەربازببوو، یێن کو پتریا ژیێ خۆ تەرخانکرین ژبۆ نەڤیێن ڤی وەلاتی.
تُتاح هذه الصورة أيضا في: کوردی