لقا پارتى یا شنگالێ: دڤێت رێک ل کەسێن تێکدەر و فتنەچی بهێتەگرتن و محاسبا وان بهێتە کرن
گاڤ
لقا پارتى یا شنگالێ به‌یاننامه‌یه‌ك ل دۆر رویدانا شنگالێ به‌لاڤكر و راگه‌هاند، چ راستیه‌ك بۆ سۆتنا مزگه‌فتا (الرحمن) ژلایێ خه‌لكیڤه نینه دیاركر ژى ئێزدیان ل ژێر چ گڤاشتنان و چ جاران هێرشى پیرۆزیێن چ ئۆلان نه‌كرى یه.
پشتى ئالۆزیا پێنجشه‌مبا بۆرى په‌یدا بووى دناڤبه‌را هژماره‌كا خۆنیشاده‌رێن ئێزدى و هێزێن ئێمناهیا ئیراقێ لسه‌ر ڤه‌گه‌ڕاندنا 25 خێزانێن عه‌ره‌ب كو داعشێن ده‌ستدرێژى لسه‌ر كچێن ئێزدى كرین دناڤ دابوون. ئێكرگرتویا ئیسلامى و هژماره‌كا په‌یجان راگه‌هاند، ئێزدیان هێرشى مزگه‌فتا ره‌حمان كرینه، ڤێ ئێكێ ژى كارڤه‌دانه‌كا توند یا هژماره‌كا مه‌لا و بكارئیننه‌رێن سۆشیال میدیایێ ب دویڤ خۆ دا ئینا.
لقا شنگال یا پارتى ئه‌ڤرۆ د بایننامه‌یه‌كێ دا ل دۆر راستیا رویدانێ دا زانین، پشتى رۆژا پێنج شه‌مبى له‌شكرێ ئیراقێ بزاڤكرى نێزیكى (25) خێزانێن عه‌ره‌ب ب ره‌نگه‌كێ ئێستیفزازى ب ڤه‌گه‌ڕێنن لێ خه‌لكێ شنگالێ ب تایبه‌ت ته‌خا گه‌نجان خۆنیشاندانه‌كا نه رازیبونێ ریكخستن ل نێزیك مزگه‌فتا (الرحمن).
لقا پارتى دیاركریه ژى، خه‌لكى گومان لسه‌ر وان خێزانان هه‌بوون كو چه‌كدار و لایه‌نگر و پشته‌ڤانێن تیرۆرستێن داعشێ بوون و كچه‌كا رزگاربووی چه‌كداره‌كى داعش بناڤێ (حجى ایاد) نیاسى كو لده‌مێ ئه‌و كچ د ده‌ستێن داعشێ دا وى چه‌كدارى ده‌ستدرێژى و زۆرى لێكربووـ پشتى سكالا لێكرى ئێكسه‌ر ئه‌و چه‌كدارێ داعش هاته ده‌سته‌سه‌ركرن.
لقا 17 گۆتژى، گرژى و ئالۆزیێن په‌یدابووین و دناڤبه‌را له‌شكرێ ئیراقێ و خۆنیشانده‌ران ل نێزیكى مزگه‌فتا (الرحمن) بوون، ده‌رباره‌ى سۆتنا مزگه‌فتا (الرحمن) ژ لایێ خه‌لكێ ڤه ژى چ ئه‌سل و بنه‌مایه‌ك بۆ نینه بتنێ خۆپیشاندان ل ده‌روبه‌رێن وێ هاتینه كرن و ئه‌و مزگه‌فت ل سالا 2014 تا نها چۆلكریه و خه‌لكێ ئێزدى پاراستى یه و نه‌هیلاینه چ زیانه‌ك بگه‌هیتێ و وێنه‌یین هاتینه به‌لاڤكرن د كه‌ڤنن یان یێن هنده‌ك جهێن دینه.
هه‌روه‌سا لقا شنگالێ یا پارتى دیاركر ژى، پێدڤیه رێک ل کەسێن تێکدەر و فتنەچی بهێتەگڕتن و محاسبا وان بهێتە کرن، گوهداریاپیلانێن دۆژمن و نه‌یاران ژى نه‌هێته گرتن.
تُتاح هذه الصورة أيضا في: کوردی
