بنگه‌هێ لالش 108قوتابيێن سه‌ركه‌فتى خه‌لاتكرن
تۆر الالش:
ئێڤاريا ئيرۆ،ل ژێر چاڤدێریا به‌رێز “عه‌لى عه‌ونى” بەرپرسێ لقێ ئێک يێ پارتى و بەرێز” سه‌عید جردۆ”سه‌رۆكێ دەستەیا بلندا بنگەهێ لالش،دڕێوره‌سمه‌كێ دا قوتابیێن سەرکەفتێن ئێکێ و دووێ و سێیێ ل هەموو قوتابخانەیێن کۆمەلگەها شاریا ژ هەموو قۆناغان هاتنە خەلاتکرن.
ئيرۆ ئێك شه‌مبوويێ 23ى تيرمه‌ها 2023،بنگەهێ لالش تایێ شاریا یێ ڕەوشه‌نبێری و کۆمەلایەتی ب هەڤکاری دگەل لیژنا ناوچا فەیديێ و هەردوو ڕێکخراوێن شاریا و ڕۆژهەلات و ل ژێر چاڤدێریا به‌رێز “عه‌لى عه‌ونى” بەرپرسێ لقێ ئێک يێ پارتى و بەرێز” سه‌عید جردۆ”سه‌رۆكێ دەستەیا بلندا بنگەهێ لالش و ب ئامادەبوونا ڕێڤەبەرێ ناحیا خانکێ و چەندین بەرپرسێن یەکه‌یێن ئیداری و ڕێڤەبەرێن قوتابخانە و و کەسایەتی و بەربژێرێن تاخێن کومەلگەهێ،دڕێوره‌سمه‌كێ دا قوتابیێن سەرکەفتێن ئێکێ و دووێ و سێیێ ل هەموو قوتابخانەیێن کۆمەلگەها شاریا ژ هەموو قۆناغان هاتنە خەلاتکرن.
ل دەستپێکێ “دلگه‌ش سه‌ليم” به‌رپرسێ بنگەهێ لالش تایێ شاریا بخێرهاتنا هەموو ئامادەبوویان کر، پاشان پەیڤەک ژلایێ بەرپرسێ لقێ ئێک عەلی عەونی و سه‌رۆكێ ده‌سته‌يا بلندا بنگه‌هێ لالش سه‌عيد جردۆ و ڕێڤەبەرێ پەروەردا قەزا سێمێلێ حه‌سه‌ن چەلەبی ڤه هاتنه پێشكێشكرن و تێدا تەکەز ل کەد و خزمەتا بنگەهێ لالش کر و تەڤایا تەخ و چینێن جڤاکی بێ جیاوازی ب تایبەت ژی خزمەتکرنا کەرتێ پەروەردەیی ژبۆ پشتەڤانیا ئاستێ زانستی .
هه‌ژى گۆتنێه ئەڤ چالاکی ب پشتەڤانیا ماجد خه‌له‌ف و شڤان شێخ عەلۆ و فه‌رست جهوەر و به‌هزاد فه‌رحان ڤه هاته ئه‌نجامدان.
وەکو نەریتەکێ سالانە بنگەهێ لالش تایێ شاریا قوتابیێن سەرکەفتیێن ئێکێ و دووێ و سێ ل سەر ئاستێ قوتابخانەیێن کۆمەلگەها شاریا، قوتابیێن پۆلا چارێ بنەرەت هەتا دوازدێ ئامادەیى خەلات دکەن و ڕێزلێنانێ پێ ددەن .
تُتاح هذه الصورة أيضا في: کوردی
