هێشتا ناسنامەیێن 200 روفاتێن ئێزديان ئاشكهرا نەبووینە
ئهڤرۆ نيوز:
دەستەیا ڤەكۆلین و كۆمكرنا بەلگەنامەیان ل دهۆكێ دیار كر، روفاتێن 379 قوربانیێن جینوسایدا شنگالێ ژ ناڤ گۆڕێن ب كۆم و تاكە كەسی هاتینە دەرئێخستن، لێ هەتا نوكە ناسنامەیێن 200 قوربانیان ئاشكرا نەبووینە.
عەقید شاكر مەحمود میرانی، ئەفسەر ل دەستەیا ڤەكۆلین و كۆمكرنا بەلگەنامەیان ل دهۆكێ بۆ ئەڤرۆ گۆت: «پینج هزار و 170 بادەك ل سەر جینۆسایدا شنگالێ هاتینە تۆماركرن، ژ وانا ژی دو هزار و 778 بادەك هاتینە تەمامكرن و سێ هزار و 51 كەس هاتینە بێ سەروشینكرن و 119 گۆڕێن ب كۆم و تاكە كەسی ل شنگالێ هاتینە دیتن، ژ وانا ژی 42 گۆڕێن ب كۆم ل گەل 25 گۆڕێن تاكە كەسی یێن هاتینە ڤەكرن».
گۆتژی: «370 روفات ژ ناڤ وان گۆڕێن ب كۆم و تاكە كەسی هاتینە دەرئێخستن، لێ هەتا نوكە ناسنامەیێن 170 روفاتان ئاشكرابووینە و تەرمێ پتر ژ 200 روفاتان ژی هێشتا ل نۆشداریا داد ل ئیراقێ ماینەو ناسنامەیێن وان ئاشكرا نەبووینە».
تُتاح هذه الصورة أيضا في: کوردی