گوندهكێ نوو ب ناڤێ كۆچۆ دێ هێته دروستكرن
خانى نيوز:
قائیممقامێ قهزا شنگال راگههاند، بهرێ بنیاتى بۆ دروستكرنا گوندهكێ نوو ب ناڤێ كۆچۆ دێ هێته دانان، كو بهرى نههـ سالان ئهو گونده ژلایێ تیرۆرستێن داعشڤه هاتبوو وێرانكرن.
نایف سهیدو قائیممقامێ قهزا شنگال ب وهكالهت دیاركر، گوندهكێ نوو ب ناڤێ كۆچۆ ل شنگال بۆ خهلكێ گوندی دێ هێته دروستكرن، گوندێ كهڤن ژى دێ وهكو شوونوار مینیت داكو ههر كهسهكێ سهرهدانا كۆچۆ بكهت، ب چاڤێن خوه ببینیت تیرۆرستێن داعشێ چ ب سهر خهلكێ شنگالێ ئینایه.
ئاشكرا ژى كر، دوو رێكخراو دێ دهست ب دروستكرنا گوندێ نوو یێ كۆچۆ كهن و ههموو خزمهتگوزارییان دناڤ وى گوندیدا دابین كهن.
دهێته زانین، ل 15-8-2014ێ تیرۆرستێن داعشێ ئێك هزار و 250 كهس ژ گوندێ كۆچۆ دهستهسهركرن، دناڤ 17 گۆرێن ب كۆمدا گولهباران كرن و ب تنێ 19 كهس ب بریندارى ژ وان گۆران دهركهڤتن.
تُتاح هذه الصورة أيضا في: کوردی