سه‌رۆكێ بنگه‌هێ لالش پێشوازى ل کەسایەتیێ ديارێ دهۆکێ د. حمید باڤی كر
تۆرا لالش/دهۆك
ڕێزدار”سه‌عيد جردۆ”سه‌رۆكێ ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى پێشوازى ل کەسایەتیێ ناڤدارێ جڤاکا دهۆکێ د. حمید باڤی كر.
ئيرۆ پێنج شه‌مبوويێ 14ى ئه‌يلولا 2023،ڕێزدار”سه‌عيد جردۆ” سه‌رۆكێ ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى ب به‌رهه‌ڤبوونا به‌رێز “جه‌عفه‌ر سمۆ” و “ده‌خيل نايف” ئه‌ندامێن ده‌سته‌يا بلند،پێشوازى ل کەسایەتیێ ناڤدارێ جڤاکا دهۆکێ د. حمید باڤی كر.
ئه‌ڤه و دهه‌ڤديتنێ دا دان وستاندن هاتە کرن ل سەر چەند خالێن سەرەکی یێن گرێدایی بابەتێ لێبۆرینێ وپێکڤەژیانا جڤاکی وگرنگیا خورتکرن وبهێزکرنا وێ د ناڤبەرا هەموو پێکهاتێن ئایینی ونەتەوی ومەزهەبی وجڤاکی دا ل کوردستانێ دا جڤاک یێ ئێکگرتی بت،هه‌روه‌سا گرنگیا خورتکرنا په‌يوەندیێن جڤاکی وڕەوشەنبیری د ناڤبەرا لالش ومزگەفتێ وکەنیسێ دا ب ڕێيا سەرەدانێن پیر ومەلا وقەشا ودام ودەزگەهێن ئایینی بۆ ئێک ودوو، ودان وستاندنێن نەرم ولێک تێگەهشتن وتەکەز کرن ل سەر تشتێن هەڤپشک وکۆمڤەکەر دوور ژ ئازراندنا ناکۆکیان و ڕوودانێن دیرۆکی یێن ژێکڤەکەر،زێده‌بارى تەکەزکرنا ل سەر نیشتیمانپەوەریێ و وەلاتیبوونێ گەلەک گرنگ وپێدڤییە بۆ مە هەموویان ب گشتی.
هه‌روه‌سا د. حمید باڤی ڕۆلێ بنگه‌هێ لالش بۆ خزمه‌تكرنا جڤاكا كوردستانێ ب گشتى و جڤاكا ئێزديان ب تايبه‌تى بلند نرخاند.
تُتاح هذه الصورة أيضا في: کوردی