خۆلهكا ڕۆژنامهڤانى بۆ بهرپرسێن ڕاگههاندنا تايى و نڤيسينگههێن لالش هاته ڤهكرن
تۆرا لالش/دهۆك
ئيرۆ 22ى ئهيلولا 2023 ل بارهگايێ بنگههێ لالش ل دهۆكێ،ب بهرههڤبوونا ڕێزدار”سهعيد جردۆ”سهرۆكێ دهستهيا بلندا بنگههێ لالش و بهرێز “كاروان باعهدرى”بهرپرسێ پشكا ڕاگههاندنێ ل بنگههى،خۆلهكا ڕۆژنامهڤانى بۆ بهرپرسێن بهشێ ڕاگههاندنا تايى و نڤيسينگههێن لالش هاته ڤهكرن.
ل دهستپێكێ ڕێزدار “سهعيد جردۆ” سهرۆكێ دهستهيا بلندا بنگههێ لالش دپهيڤهكێ دا دهست خۆشى ل بهرپرسێن ڕاگههاندنا تايى و نڤيسينگههێن لالش كر بۆ كار و خزمهت و چالاكيێن ئهنجام ددهن و خواست بتر خوه ل گهل ڕاگههاندنا سهردهميانه بگونجينن و تايبهت سۆشيال ميديايێ كو نۆكه ڕۆلهكێ بهرچاڤ دگێڕت.
ل دووڤدا “كاروان باعهدرى” بهرپرسێ پشكا ڕاگههاندنێ ل بنگههێ لالش بهحس ل گرنگى و مهرهم ژ ڤهكرنا ڤێ خۆلا رۆژنامهڤانى كر و دياركر كو پێخهمهت بهێزكرنا شيانێن بهرپرسێن ڕاگههاندنا تايى و نڤيسينگههێن لالش ئهڤ خۆله هاتيه ڤهكرن بۆ هندێ بزانن كو ب چ شێوه چالاكيێن خوه ب دارێژن،ههر ديسان پێدڤيه ل سهر ستافێ ڕاگههاندنا وان بتر گرنگيێ ب وارێ نڤيسينێ و دارشتنا كار و چالاكيێن خوه ب شێوهيهكى پرۆفيشينال و كورته ڤيديۆيان بدهن و دهستخۆشى ل ههموويان كر و هيڤيا سهركهفتنێ بۆ خواست.
دڤێ خۆلا ڕۆژنامهڤانى دا كو ژلايێ ههردوو ڕۆژنامهڤانان خدر خهلات و بهختيار قادر ڤه دهاته ب ڕێڤهبرن،تێدا ب دڕێژى و ب شێوێ تێورى و پراكتيكى بهحس ل بنهما و شێوازێ نڤيسينيا نووچهيێ ڕۆژنامهڤانى ب پيشهيى و ب تايبهت كار و چالاكيێن تايى و نڤيسينگههێن لالش بۆ ئامادهبوويان كر و چهندين نموونهيێن زيندى يێن چاوانيا چێكرنا نووچهى ئينان زمان،زێدهبارى چێكرنا كورته ڤيديۆيان و گرتنا وێنهيان و مفا وهرگرتنێ ل سۆشيال ميديايێ.
ل دووڤدا ئامادهبوويان چهندين پێشنيار و بۆچۆنێن خۆ ل دۆر نڤيسينا نووچهى ئاڕاستهكرن و ژلايێ ههردوو ڕۆژنامهڤانان ڤه ل بهر چاڤ هاتنه وهرگرتن.
ههژى گۆتنێ يه بنگههێ لالش بهردهوام خۆلێن ڕۆژنامهڤانى بۆ ستافێ ڕاگههاندنا بنگههى ڤهدكهت،پێخهمهت بهێزكرنا شيانێن ستافێ خوه.
دئێته زانين زانين پشكا ڕاگههاندنا دهستهيا بلندا بنگههێ لالش ههر ئێك ژ كهنالێ سهما و تۆڕا لالش يا ڕاگههاندنێ بخۆڤه دگرت.
تُتاح هذه الصورة أيضا في: کوردی