ژياننامهيا پازده نڤيسهرێن ئێزدى د پهرتۆكهكێ دا دئێته بهلاڤكرن
تۆرا لالش: هۆگر نهجيب
حسێن حاجى ئۆسمان ناڤدار ب حسێن باعهدرى، نڤيسكار و شانۆڤان و شێوهكاره ل سالا 1967ێ ل ناوچهدارييا باعهدرێ ژ دايكبوويه، د د ديدارهكێ ده بۆ تۆرا لالش يا ڕاگههاندنێ دا دياركرن، من يازده شانۆ پێشكێشكرينه و خودانێ پێشانگهههكا شێوهكارى مه و ههروهسان سێزده بهرههمێن نڤيسينێ چاپ و بهلاڤكرينه و پهرتۆكا چرايێن باعهدرێ داوى بهرههمێ منه.
ديارژى كر،ههروهسان ب فيشهكێن دوژمنى من وێنه دروست كرينه، و ئهو فيشهك د گۆرێن ب كۆمهل يێن ل شنگالێ من كۆمڤهكرينه يێن تيرۆرستان ل دژى ئێزديان ب كارئيناين و ناڤهرۆكا ههموويان ل دۆر دهردهرسهريێن ئێزديێن شنگالێ بووينه، وێنه ب وان فيشهكان چێكرينه و د پێشانگهههكێ دا ل باعهدرێ من كۆمڤهكرينه ههردهم د خزمهت دايه، ههروهسان دوو جاران ل شێخان ژى ئهڤ پێشانگههه هاته ڤهكرن و ل رێكهفتى 3-8-2022ێ ل پهرلهمانێ كوردستانێ ژى هاته نيشاندان.
حسێن حاجى، پهرتۆكا من يا ب ناڤێ چرايێن باعهدرێ بهرههمێ من يێ سێزدێ يه، ناڤهرۆكا وێ ل سهر ژيانا پازده نڤيسكارێن باعهدرێ يه يێن د كاروانێ ژيانا خۆ دا پهرتۆك و ههلبهست نڤيسين و ئێك ژ وان نڤيسهران ئهزم ئانكو وهكو نڤيسهر من بهحسێ ژيانا خۆ ژى كريه، وهكو وهفادارى بۆ نڤيسهران من ئهڤ پهرتۆكا بهرههم ئينايه و ههروهسان چار ژوان نڤيسكاران وهغهركريه و يازده ژى د ژيانێ دانه ژوانژى هندهك ژوان خوهجهن ل باعهدرێ و هندهكێن دى ژ دهرڤهيى وهلاتى د ئاكنجى نه، ئهم پێتڤى ب نڤيسكاراينه، چنكو خواندن ئايندێ مللهتێ مه دياردكهت و دخوازم زێدهتر هژمارا نڤيسكاران زێده بت داكو ههموو جڤاك مفايى ژێ وهربگرت، هيڤيدكهم نڤيسهرێن مه بهرههمێن باشتر ژى بهرههم بينن، بهرى سالهكێ من هزر د نڤيسينا ڤێ پهرتۆكێ دا كر و ههر ئێكسهر من دهست ب نڤيسينێ كر و خۆشهبهختانه ژياننما پازده نڤيسهران من د پهرتۆكا چرايێن باعهدرێ دا من كۆمڤهكرن و هيڤيدارم د سالا بهێت دا هژمارا نڤيسهران زێدهتر لێبێت.
حسێن باعهدرى دا دياركرن، من ب خوه سێزده پهرتۆك ههينه سێ ژوان فلكلۆرن، دوو ژێ ههلبهستن، يهك ژى كورته چيرۆكن، و شهش ژى ل سهر فرمانا سالا 2014ێ يا ب سهرێ مللهتێ مه دا هاتى من چاپ كرينه، و پهرتۆكا من يا دوماهيێ ب ناڤێ چرايێن باعهدرێ يه نه ژمێژه هاته چاپكرن و بهلاڤكرن، ههروهسان پتريا بهرههمێن من ل سهر كيستێ من ب خۆ بووينه ژبلى دوو پهرتۆكێن فلكلورى كو ژلايێ ئهنستيۆتا كهلهپۆرييا دهۆكێ ڤه هاتبوونه چاپكرن.
گۆتژى، ههر بويهرهك و روودانهك و بهرههمهكێ ئهدهبى و فلكلورى و كهلهپۆرى نڤيسهر ل سهر بنڤيست ل وى دهمى نڤيسهر ب وێ نڤيسينێ وێ روودانێ يان ههلكهفتێ ژ مرنێ د پارێزت، نهخاسمه مه ئێزديان گهلهك برگهيێن فلكلور و كهلهپۆر و كلتورى و ههتا چهندين بوويهرێن شهرى و جێنوسايدان مه يێن ههين لهوران نڤيسين ل سهر ڤان بابهتان زندى هشتنا رهسهنايهتييا ئێزديانه، ههروهسان خهملاندنا خزينهيا كلتور و فلكلورێ مللهتێ مهيه.
حسێن باعهدرى ديار ژى كر، ل دهستپێكێ ههڤال و دۆستێن من پهرتۆكێن كوردى دانه من داكو فێرى نڤيسينا زمانێ كوردييێ ببم و فێربووم ئهڤهژى بۆ سالێن ههشتيان و تايبهت پشتى 1985ێ ڤهدگهرت و هێدى هێدى من هۆزان د نڤيسين، ئانكو هۆزانێ ئهز كرمه نڤيسكار و دهرگههێن دى يێن ئهدهبى ل من ڤهكرن، و ل سالا 1999 ئێكهمين بهرههمێ من يێ ههلبهستا ل ژێر ناڤێ(كانيا ئهڤينێ) رۆناهى ديت، پاشى دهرگههێن دى يێن ئهدهبى ل من ڤهبوون و من دهست ب نڤيسينا شانۆيان ژى كر و د پتريا وان ده ئهكتهر و نڤيسهر و دهرهێنهرى من كريه، ههروهسان من پشكدارى د سێ فلێمن سينهمايى دا كريه ئهوژى بۆ هۆلندا و ئيسپانيا و سويد دوو ژوان هاتينه نمايشكرن و رهنگه ل ڤان نێزيكان يێ دن ژى بهێته نمايشكرن، كو ناڤهرۆكا ههموويان ل سهر دهردهرسهريێن ئێزديانه.
گۆتژى، پشكهك ژ پهرتۆكێن من كوردى نه و پشكهكا دى عهرهبينه، و پشكهك ژى وهرگێران يا بۆ هاتيه كرن ژ عهرهبى بۆ كوردى، و پهرتۆكا من يا ل ژێر ناڤێ (صرخة الايمان) يا هاتيه وهرگێران بۆ سهر زمانێ چيكى و ئينگليزى و ل ئهمريكا ژى بهردهسته.
حسێن حاجى باعهدرى، ئهندامێ ئێكهتيا نڤيسهرێن كوردستانێ تايێ دهۆكێ يه، و ئهندامێ ههردوو سهنديكايێن رۆژنامهنڤيسێن كوردستانێ و ئيراقێ يه، ههروهسان بهرپرسێ تيپا هونهرى يا بێبانێ يه و ههياما نێزيكى دههـ سالايه بێ بهرامبهر ئانكو ب خۆبهخش كاردكهن و دخوازت زێدهتر پشتهڤانى ل وان بێته كرن.
تُتاح هذه الصورة أيضا في: کوردی