بنگەهێ لالش بهياننامهيهك ل دۆر بریارا ڤەگەراندنا کۆچبەرێن ئێزدی ل ئەڵمانیا بهلاڤكر
کۆچبەربوونا ئێزدییان ژ عێراقێ ڤەدگەڕیتەڤە بۆ چەندین ئەگەران کو بۆ هەموو جیهانێ ئاشکەراییە، کۆچبەربوونا ئێزدییان نە ب حەز و ڤیان بوویە بەلکوو ل سەر وان هاتیە فەرزکرن و پەنا بۆ هەمو ڕیکێن مرنێ برن ژ پێناڤ پاراستنا ژیانا خۆ.
جهێ داخێ یە، ئەو ڕەوشا ب سەرێ کەمینەیێن ئاینی هاتی ل عیراقێ و پشکا شێڕی بوو بەهرا ئێزدییان، و ئێزدیان هەموو جۆرێن نەخۆشییان ل عیراقێ دیتن، و هەتا دروستکرنا ڤێ بەیاننامێ ژی ئەو نەهامەتینە د بەردەوامن، ژبەر ڤان ئەگەران ئێزدی ئاوارەیی کەمپان بوون و ئەوێن ل ناڤچەیێن خۆ ژی د بن هەڕەشەکە مەزن دانە و ناڤچەیێن وان نە دئارامن و هیچ گرەنتییەکا ئەولەهیێ ژی نینە، هەر ژ وێ چەندی ژی ئێزدییان وەک ڕزگاربوون ژبۆ ژیانا خۆ کۆچبەری هەلبژارت.
ئەو بریارا ئەڵمانیا دایی، بۆ ڤەگەراندنا کۆچبەرێن مە ئەم وەک بنگەهێ لالش دبینین ئەڤە دێ بیتە ئەگەر بۆ بێزاربوونا جڤاکا ئێزدی چونکی ئەو ژبەر نەهامەتیێن کۆچبەربووینە و ڤەگەراندنا وان ژی دێ بیتە ئەگەر نەهامەتیێن وان دێ زێدەتر لێ هێن، و ئەم داخوازێ ژ ڕایەدارێن وەڵاتێ ئەڵمانیا دکەین ئاوڕەکی ل ڤی بریارا خۆ بدەن.
و بنگەهێ لالش ب ڕیکێن خۆیێن تایبەت دێ هەوڵ و بزاڤێن خۆیێن جددی دەت، ژبۆ کو هەر بریارەکا باش د بەرژەوەندیا ئێزدییان دا بهێتە کرن، و ئەم ل گەل داخوازێن ڕەوایێن مللەتێ خۆینە.
بنگەهێ لالش یێ رەوشەنبیری و کۆمەڵایەتی/ دهۆک
١٩ـێ ئۆکتۆبەرا ٢٠٢٣ـێ
تُتاح هذه الصورة أيضا في: کوردی