ڕێڤەبەرێ ناحیا باعەدرێ سه‌ره‌دانا بنگەهێ لالش دكه‌ت
تۆڕا لالش:
ل بنگەهێ لالش تايێ باعەدرێ دانوستاندن ل دۆر چەند بابەت و پرسێن گرێدايى ب ره‌وشا ناحيا باعه‌درێ ڤه هاته كرن.
ل ڕۆژا ئينيێ 26ى كانوونا دووێ 2024ێ، ڕێڤەبەرێ ناحیا باعەدرێ “ڕێزان میرزا بەگ” سەرەدانا بنگەهێ لالش تایێ باعەدرێ کر و ب گەرمی و خۆشحالی ڤە ژلایێ بەرپرسێ بنگەهێ لالش “خه‌لات باعەدری” و ئه‌ندمێن بنگه‌هى ڤه هاتە پێشوازیکرن.
دسەرەدانێ دا دانوستاندن ل دۆر چەند بابەت و پرس و بیروبۆچون و پێشنیاران دناڤبەرا ئامادەبوویان و بەڕێزی دا هاتە کرن پێخەمەت خزمەتا گشتی یا خەلکێ ناحیا باعەدرێ.
ژلایێ خۆڤە ڕێڤەبەرێ ناحیا باعەدرێ گوهداریا تەڤایا بیر و بۆچوون و پێشنیارێن ئامادەبوویان کر ل دۆر ڕەوشا باعەدرێ و خۆشحالی و سوپاسیێن خۆ دەربڕی بۆ ڤێ پێشوازیا گەرم و داخوازا سەرکەفتنێ و سەرفه‌رازیێ بۆ بنگەهی خواست.
تُتاح هذه الصورة أيضا في: کوردی