حكومهتا ههرێما كوردستانێ پێنج سێكتهرێن سهرهكى یێن كهمپێن ئاواران ب ڕێڤهدبهت
باسنيوز:
رێڤهبهرێ كۆچ و كۆچبهر و بهرسڤدانا قهیرانان ل پارێزگهها دهۆكێ دیاركر، پشتى رێكخراوان خۆ ژ كهمپێن ئاواران ڤهكێشایێ حكومهتا ههرێما كوردستانێ ئهو ڤالاهى پر كریه ههمى ئهو سێكتهرێن سهرهكى حكومهت برێڤهدبهت”.
پیر دهیان، رێڤهبهرێ كۆچ و كۆچبهر و بهرسڤدانا قهیرانان ل پارێزگهها دهۆكێ بۆ (باسنیوز) راگههاند، حكومهتا ههرێما كوردستانێ دناڤ كهمپێن ئاواران دا نوكه سێكتهرێ ئاڤێ و كارهبێ و راكرنا گلێشى و ساخلهمى و پهروهردێ برێڤهدبهت، ئهڤ ههر پێنج سێكتهرێن گرنگ بهرى نوكه ژلایێ رێكخراوان ڤه هاتنه برێڤهبرن، پشتى رێكخراوان خۆ ڤهكێشای ههر پینج سێكتهرێن سهرهكى ژلایێ حكومهتا ههرێما كوردستانێ ڤه دهێنه برێڤهبرن”.
ئاشكرا كر، ههتا نوكه پتر ژ 300 هزار ئاوارە ل پارێزگهها دهۆكێ ماینهو نهشیاینه ڤهگهرنه سهر جهـ و مالێن خۆ و حكومهتا عێراقێ ژی وهكو پێدڤى ههڤكاریا ئاواران ناكهت”.
تُتاح هذه الصورة أيضا في: کوردی