ميرێ ئێزديان سهرهدانا ڕێڤهبهريا كاروبارێن ئێزديان ل دهۆكێ دكهت
تۆڕا لالش/دهۆك
،ئيرۆ ڕۆژا سێ شهمبوويێ 13ى شوباتێ 2024ێ،مير حازم تهحسين بهگ،ميرێ ئێزديان ل كوردستان و عيراقێ و جيهانێ سهرهدانا ڕێڤهبهريا كاروبارێن ئێزديان ل دهۆكێ كر.
مير “حازم تهحسين بهگ” ميرێ ئێزديان ژئاليێ “جهعفهر سمۆ” ڕێڤهبهريا كاروبارێن ئێزديان ل دهۆكێ هاته پێشوازيكرن،پاشان دههڤديتنا خۆ دا ميرى دياركر كو مهرهم ژێ ئهوه ئهم هايدارى ڕێڤهبهريا خۆ يا ئهوقافا ئێزديان ل دهۆكێ بين و پشتهڤانى يا خۆ بۆ وان دوپات بكهين و دهستخۆشيێ لێ دكهين بۆ كارو خزمهتا وان يا كو پێشكێشى جڤاكا ئێزديان دكهن.
ههروهسا ڕێڤهبهرێ كاروبارێن ئێزديان دياركر؛ب پشتهڤانى يا حكومهتا ههرێما كوردستانێ و ڕێڤهبهريا گشتى يا كاروبارێن ئێزديان ل وهزارهتا ئهوقاف و كاروبارێن ئايينى ل حكومهتا ههرێمێ بهردهوام پرۆژهيان بلند دكهين و هێدى هێدى ل گۆڕ ئهو شيانێن ل بهر دهست ئهم ژى خزمهتا مهزارگههـ و جيێن پيرۆز دكهين.
ل گۆڕهى گۆتنا ڕێڤهبهرێ كاروبارێن ئێزديان چهندين پرۆژێن دى بۆ ڕێڤهبهريا گشتى يا كاروبارێن ئێزديان هاتينه ڕهوانهكرن و ب پشتهڤانى يا ڕێڤهبهرێ گشتى و وهزارهتا ئهوقافێ و حكومهتا ههرێما كوردستانێ ئهوا دشيان دا بت بۆ كاروبارێن خۆ يێن ئۆلى دێ كهين.
