بنگههێ لالش: زمانێ دایکێ شهنگستەیێ مان و پێشڤهبرنا مللهتانه
ب هەلکەفتا ڕۆژا جیهانی یا زمانێ دایکێ یا کو دکەفتە ڕۆژا ۲۱ى شوباتێ،وهكو ديار زمان یەك ژ بنەمایێن پاراستنا گەلانە پیرۆزباهیێن گەرم ل هەڤزمانێن دایکێ و دوپاتیێ ل پاراستن و پێشڤهبرنا زمانێ شرینێ کوردی دکهین.
زمان شهنگستێ مان و پێشڤهبرن و درووشم و ناسناما مللهتان و پێناسەیا هەر مرۆڤەك و نەتەوەیەکی یە و پشکەکا گرنگ یا کهلتۆرێ گهلانه، ب درێژاهیا مێژوویا ههڤچهرخ زمانێ كوردى كهفتیه ههمبهر پیلانێن دارشتى ژلایێ وهلاتێن ههڤسویى ڤه و ههوێن عهرهبكرن و تورككرن و فارسیكرنا مرۆڤێ كورد دهسپێكرن و بزاڤ بۆ نههێلان و شێواندن و بنبڕكرن و شێواندنا وى هاتنهكرن، دوژمنان هەردەم بزاڤكریە كو زمانێ كوردی ژناڤ ببەن،گەلێ کورد مینا هەر نەتەوەکی خودان زمانێ خۆ یێ تایبەتە ب ههزاران گەنج و لاوێن کورد بووینە قوربانیێن ڤەمان و پاراستنا ڤی زمانێ شرین، زمانێ مە فاکتەرەکێ گرنگ یێ مانا مەیە، پێدڤیە گرنگی پێ بێتە دان.
ل ڕۆژا جیهانی یا زمانێ دايكێ،پاراستنا زمانێ کوردی پاراستنا نەتەوەیا کوردە، هەروەسا پاراستنا جوگرافیا کوردستانێ یە،ئەرکەکێ وژدانی و ئەخلاقیە ل سەر هەموو خودانێن خامەیێن بهێزن د بوارێ ڤەمان و وەرارا زمانێ کوردی دا نەهێلن سیاسەتا شۆڤێنی ژبۆ بنەبڕکرنا زمان و کلتورێ مە سەربکەڤت.
پیرۆزە ڕۆژا جیهانى یا زمانێ دایکێ ل تهڤايا گەلێ کورد.
دهستهيا بلندا بنگههێ لالش يێ ڕهوشهنبيرى و كۆمهڵايهتى/دهۆك
20ى شوباتا 2024
تُتاح هذه الصورة أيضا في: کوردی