حكومه‌تا عیراقێ 50 ملیار دینار بۆ سندۆقا ئاڤه‌دانكرنا شنگالێ ته‌رخانكرن
گاڤ
سه‌رۆكوه‌زیرێ ئیراقێ ته‌رخانكرنا 50 ملیار دیناران بۆ سندۆقا ئاڤه‌دانكرنا شنگالێ و ده‌شتا نه‌ینه‌وا راگه‌هاند.
محه‌مه‌د شیاع سوودانى سه‌رۆكوه‌زیرێ ئیراقێ ئه‌ڤرۆ دوشه‌مبیێ سه‌ركردایه‌تیا كۆمبوونه‌كا جڤاتا پارێزگه‌ها نه‌ینه‌وا كر كو ل قه‌زایا شنگالێ ل رۆژئاڤایێ پارێزگه‌هێ برێڤه‌چوو.
ل گۆره‌ى به‌یانه‌كا ئۆفیسا سه‌رۆكوه‌زیرێ ئیراقێ “سوودانى دیاركر كو سامان و جهێ جیۆگرافى یێ پارێزگه‌ها نه‌ینه‌وا وێ دكه‌نه سه‌نته‌ره‌كێ ئابوورى یێ گرنگ”.
سوودانى ئاماژه ب وێ چه‌ندێ ژى كر؛ گرێدانا ڤێ كۆمبوونێ ل قه‌زایا شنگالێ وه‌كى نامه‌یه‌كێ یه بۆ خه‌لكێ قه‌زایێ ل دۆر به‌رهه‌ڤیا حكومه‌تێ بۆ ده‌ستپێكرنا هه‌وه‌كا ئاڤاكرنێ یا به‌رفره‌هـ.
سه‌رۆكوه‌زیرێ ئیراقێ ته‌رخانكرنا حكومه‌تێ بۆ 50 ملیار دیناران بۆ سندۆقا ئاڤه‌دانكرنا شنگالێ و ده‌شتا نه‌ینه‌وا ژ بودجه‌یا فیدرالى راگه‌هاند.
تُتاح هذه الصورة أيضا في: کوردی