قاسم شهشۆ:هندهك ئاليان دڤێن توافا شێخ مهند ب دهرفهت ببينن و پرۆپاكندهيا دانانا ميرهكى دكهن
تۆڕا لالش:
فهرماندێ هێزێن پێشمهرگهى ل شنگالێ ڕادگههينت،هندهك ئالى بزاڤێ دكهن ههلكهفتا توافا شێخ مهند ل مهزارگههێ شهرفهدين ب دهرفهت ببينن و پرۆپاكندهيا دانانا ميرهكى دكهن و مه چ پهيوهندى بڤێ چهندێ نينه.
قاسم شهشۆ، فهرماندێ هێزێن پێشمهرگهى و كهسايهتيێ ئێزدى ل شنگالێ،ئيرۆ ڕۆژا چارشهمبوويێ 24/4/2024ێ ڕۆنكرنهك بهلاڤكر و تێدا هاتيه،ڕێورهسمێن توافا شێخ مهند ل ڕۆژێن پێنج شهمبوو و ئينيێ ل ڕێككهفتى 25_26/4/2024ل مهزارگههێ شهرفهدين دێ ئێنه گێڕان و بڤێ ههلكهفتێ پيرۆزباهيێ ل ئێزديان ل كوردستانێ و عيراقێ و جيهانێ دكهين و هيڤيا خێر و خۆشيێ بۆ وان دخوازين.
فهرماندێ هێزێن پێشمهرگهى ل شنگالێ ئاشكهراكر:هندهك ئالى يێ بزاڤێ دكهن ههلكهفتا توافا شێخ مهند ل مهزارگههێ شهرفهدين ب دهرفهت ببينن و پرۆپاكندهيا دانانا ميرهكى دكهن و ئهم ب ڕۆنى دوپات دكهين كو مير ل پهرستگهها لالشا نورانى ژبال جڤاتا رۆحانيا ئێزديان و سهرۆك هۆزان ل دهڤهرێن ئێزديان دئێته دانان و نه ل مهزارگههێ شهرفهدين.
ئاماژه ب وێ چهندێ دا وان نه ژ دوور و نێزيك ڤه چ پهيوهندى ب ڤێ چهندێ نينه.
تُتاح هذه الصورة أيضا في: کوردی