بنگههێ لالش ڤيستەڤالا (باشترین مرۆڤ)گێرا و ههژمارهكا كهسان هاتنه خهلاتكرن
تۆڕا لالش:
یا هەفتێ ل كهمپا چهم مشكۆ يا ئاوارهيێن شنگالێ هاته گێران و ههژمارهكا رۆژنامهڤان و چالاكڤانان دبوارێن جودا جودا هاتنه خهلاتكرن.
ل ڕۆژا چارشەمبوويێ 22ى ئهيارا 2024ێ،ل کەمپا چهم مشکۆ ب ئامادەبوونا نوونەرێ نڤیسینگەها پارێزگەها نینەوا یا پارتی دیموکراتی کوردستان و نوونەرێ لقێ 17 يێ پارتى و بەرپرس و کارگێر و ئەندام لاینگرێن لیژنێن ناوچان و سەرۆک و ئەندامێن دەستەیا بلندا بنگەهێ لالش و دوو ژ ئەندامێن چڤاتا پارێزگەها نهینەوا و ڕێڤەبەرێن بتریا کەمپێن سنوورێ هەرێمداریا سەربهخۆیا زاخۆ و کۆمەکا بەرپرسێن میری وجڤاکی و ڕەوشەنبیری و لهشكەری و جەماوەرەکی زۆر ژ خەلکێ کەمپێ، هەردوو تایێن بنگەهێ لالش یێن شنگال و سنوونێ و نڤیسینگەهێن ب سەر ڤە ب هەڤکاری دگەل گرۆبێ هیڤی یێ خۆبەخش ڤيستەڤالا هەفتەمین یا (باشترین مرۆڤ) ب چەندین چالاکیێن جۆراوجۆر گێران.
ڕێورهسمان ب ڕاوەستاندنەکا ڕێزگرتنێ ل سەر گیانێ جانگۆريان و سهروهرێ وان بارزانيێ نهمر وكاك ئدريسێ جوانهمهرگ دهستپێكر.
لدووڤدا چەند پهیڤ ژلايێ چەند لایهنان ڤە هاتنە خوندن و پێشكێشكرن و دۆرا کۆمەکا ستران و هۆزانێن فلکلۆری هاتنە گۆتن.
ل داويا ڤيستهڤالێ 41 کەس كو دبوارێن جيهانى دا خزمهتا ئاوارهيێن شنگالێ كريه ل كهمپێ هاتنه خهلاتكرن.
ئەڤە ساڵا هەفتێ یە گرۆپێ هیڤی وبنگەهێ لالش ڤێ ڤیستەڤالا قەشەنگ ل داردخن.
تُتاح هذه الصورة أيضا في: کوردی