بنگه‌هێ لالش پيرۆزباهيێ ل كچا ئێزدى “شرين خودێدا” دكه‌ت
گه‌رمترين پيرۆزباهيان ئاڕاسته‌ى كچا ڕزگاربوويا ئێزدى شرين خودێدا دكه‌ين،ب هه‌لكه‌فتا بده‌ستڤه‌ئينانا باوه‌رنامه‌يا ده‌رچوونێ ل زانكۆيا ئه‌مريكى ل دهۆكێ و خه‌لاتێ “شه‌ره‌فا خۆراگرييێ” وه‌رگرتى.
وه‌ك جه‌نابێ سه‌رۆك بارزانى دگۆتارێن خۆ دا گۆتيه (كچا ئێزدى هێمايێ شه‌ره‌فا كوردانه)،ئه‌ڤ سه‌ركه‌فتن نيشانا خۆراگريا كچێن ڕزگاربوويێن ژ ده‌ستێ داعشێ يه،ب تايبه‌ت شرين كو بۆ ماوێ سێ سالان هاته ڕەڤاندن و ژ زۆرداريا داعشێ ڕزگاربوويه و ڕاده‌ست نه‌بوو به‌رده‌وامى دا ژيان و خووندنا خۆ و ئيرۆ ل زانكۆيا ئه‌مريكى ل دهۆكێ ده‌رچوو.
ئه‌م ل بنگه‌هێ لالش سوپاسيا جه‌نابێ ڕێزدار مه‌سرور بارزانى سه‌رۆكێ حكومه‌تا هه‌رێمێ دكه‌ين،ژبۆ خه‌لاتكرنا كچا ئێزدى و پشته‌ڤانى يا وى يا بێ سنوور بۆ جڤاكا ئێزديان.
ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى/دهۆك
2/6/2024
تُتاح هذه الصورة أيضا في: کوردی