تۆرا لالش
ئیرۆ ل رۆژا پێنج شه‌مبوويێ، 3ێ چریا ئێكێ 2024ێ، شانده‌كێ ره‌وشه‌نبیران سه‌ره‌دانا بنگه‌هێ لالش كر و پێكدهاتن ژ نڤیسه‌ر و رۆژنامه‌ڤان حسۆ هرمی، ڤه‌كۆله‌ر و نڤیسه‌ر عه‌سكه‌رێ بویك، و نڤیسه‌رێ به‌رچاڤ شێخ زێدۆ باعه‌دری.
بنگه‌هێ لالش، ب سه‌رۆكاتییا سه‌عید جردۆ، ب گه‌رمییه‌كا تایبه‌ت پێشوازی ل ڤی شاندی كر و د ڤێ هه‌ڤدیتنێ دا، هه‌ردوو ئالییان گه‌نگه‌شه ل سه‌ر ره‌وشا ره‌وشه‌نبیری یا ده‌ڤه‌رێ كرن و بۆچوونێن دانه دیاركرن.
د ده‌مێ سه‌ره‌دانێ دا، نڤیسه‌ران ته‌كه‌زی ل سه‌ر گرنگییا رۆلێ بنگه‌هێ لالش د ناڤ جڤاكی دا كر، نه‌خاسمه د وارێن ره‌وشه‌نبیری و كه‌لتووری، فۆلكلۆری و كه‌له‌پووری دا، وان دیار كر كو كارێ بنگه‌هی د پاراستن و زێندیكرنا كه‌لتوورێ كوردی دا گه‌له‌ك یێ گرنگه.
هه‌ردوو ئالییان سۆز دا كو دێ هه‌ڤكارییێن به‌رده‌وام كن ژ بۆ پاراستن و گه‌شه‌پێدانا كه‌لتوور و كه‌له‌پوورێ ئێزدیان و كوردسانێ.
ل دووڤدا، شاندێ نڤییسەران سەرەدانا پلاتفۆرمێن ڕاگەهاندنا کەنالێ سەما کر و هەردیسان ب گەرمی ژلایێ رێڤەبەر و کارمەندێن کەنالی ڤە هاتنە پێشوازی کرن و ژ نێزیک ڤە هایداری ناڤخۆیا کەنالی بوون.
دووبارە خۆشحالییا خۆ ئینانە زمان و سەرکەفتن ژ بنگەهێ لالش و کەنالێ سەما ڕا خواستن.
تُتاح هذه الصورة أيضا في: کوردی
