تۆرا لالش
ب هەلکەفتا ٨ی مارسێ، رۆژا جیهانی یا ئافرەتان، گەرمترین پیرۆزباهیان پێشکێشی هەموو ئافرەتێن کوردستانێ ب تایبەتی و ئافرەتێن جیهانێ ب گشتی دکەين.
رێز و پێزانینێ خۆ بۆ خەبات و تێکۆشانا ئافرەتێن کوردستانێ یێن کو هەردەم نموونەیێن نیشتمانپەروەری، ئازایەتی و گیانفیدایی بووینە د دیرۆکا گەلێ کوردستانێدا دیار دکەین و جهێ دلخۆشیێیە کو ئیرۆ ئافرەتا ئێزدی رۆلەکێ بەرچاڤ و کارا د سازیێن هەرێما کوردستانێدا د گێرن و پشکداریەکا چالاک د هەموو بیاڤێن ژیانێدا دکەن.
٨ی مارسێ رۆژەکا شکۆدارە د دیرۆکا مرۆڤایەتیێدا و ل سه‌ر مه پێتڤیه هاندەرێ نوێخوازیا هزری و فاکتەرێ خەباتا مەدەنی ل پێناڤ یەکسانی و دادپەروەریێ بین دگه‌ل ئافره‌تان.
ئافرەتا ئێزدی تووشی ستەمەکا مەزن بووینە ل سەر دەستێ تیرۆرستێن داعش، لێ ڤێ زولمێ نکاریە رێگریێ د پێشکەفتنا ژنا ئێزدی دا بکەت و خودان ئيراده‌يه‌كا بهێزن ل هه‌مبه‌ر ئاسته‌نگان راوه‌ستياينه، و دئەڤێ هەلکەفتێ دا هيڤیخوازین کو ئەو ئافرەتێن هاتینە رەڤاندن و بێ سەروشین مایی بێنە رزگارکرن و دیتن.
هه‌روه‌سان ئەم پشتگیریا خوە بۆ مافێن هه‌موو ئافره‌ت و ژنان د هەموو سێكته‌ران دا دووپات دکەین
دووباره هه‌شتی مارسێ ل هه‌موو ئافره‌تێن كوردستانێ پیرۆزبت و هه‌ر سه‌ركه‌فتی بن.
بنگه‌هێ لالش یێ ره‌وشه‌نبیری و كۆمه‌لایه‌تی/دهۆك
8ی ئادارا 2025ێ
تُتاح هذه الصورة أيضا في: کوردی
