تۆرا لالش
ئیرۆ ل رێكه‌فتی 15/4/2025ێ، نڤیسکار و رەوشەنبیرێ ئێزدی تێلم تولان، کەسایەتی و ره‌وشه‌نبیر کامیران قاسم کەنی ب هه‌ڤرا سه‌ره‌دانا بنگه‌هێ لالش كرن و ژ ئالیێ سه‌عید جردۆ سه‌رۆكێ بنگه‌هێ لالش و ئه‌ندامێن بنگه‌هێ لالش هاتنه پێشوازی كرن.
د ڤێ سەرەدانێدا، هەر دوو ئالیان مژارێن گرنگ یێن ره‌وشه‌نبیری یێن پەیوەندیدار ب رەوشا ئێزدیان ڤه گەنگەشە کرن و هه‌روه‌سان پشتەڤانییا خوە بۆ هەڤدوو دیارکرن و د بیاڤێن رەوشەنبیریدا بەحس ل گرنگییا هه‌ڤكاریێ کرن و شاندێ هه‌ڤپشك گرنگییا پاراستنا کەلتوورێ ئێزدی و بەلاڤکرنا هزر و فەلسەفەیا وێ دناڤ نفشێن نوودا دانه ب رێیا چالاکییێن رەوشەنبیری کرن دانه دیاركرن.
سه‌عید جردۆ سه‌رۆكێ بلندا بنگەهێ لالش ژی سوپاسییا خوە بۆ ڤێ سەرەدانێ دیار کر و ئامادەبوونا خوە ژبۆ پشته‌ڤانییا رەوشەنبیران دا نیشان دا و هه‌روه‌سان ناڤهاتی مژارێن پەیوەندیدار ب پێشەرۆژا جڤاکا ئێزدی و ڕۆلێ رەوشەنبیران دناڤدا به‌حس کرن.
ل داوییێ، هەر دوو ئالیان لسەر درێژەدانا ڤان جۆرە هەڤدیتنان و زێدەکرنا هەڤکاریێ دناڤبەرا دەستەیا بلندا بنگەهێ لالش و رەوشەنبیراندا رێککەفتن، ژبۆ بەرژەوەندییا گشتییا جڤاکا ئێزدی.
تُتاح هذه الصورة أيضا في: کوردی
