تۆرا لالش
ئيرۆ پێنج شهمبوويێ، 8ـى كانوونا دووێ، بنگههێ لالش ل دهۆكێ بهياننامهيهك ل دۆر ڕوودانێن ل حهلهبێ بهلاڤ كر و ڕاگههاند، پێشلكارى و كۆچكرنا ب زۆرى د دهرههقێ ئێزدييان دا هاتينه كرن.
دهقێ بهیاننامهیا بنگههێ لالش:
ئهم ب هوورى و ب ترس ڤه تهماشهى پێشهاتێن ل سووریێ دكهين و ئهو بنپێكاريێن ل دژى گهلێ كورد و پێكهاتێن وی وهلاتی و ئێزدييان ب تايبهتى ل سووريا نوودا دئێنه كرن.
ئهوا نۆكه ل باژێرێ حهلهبێ ڕووددهت، ب تايبهتى ل تاخێن شێخ مهقسوود و ئهشرهفیيێ و كۆچكرنا ب زۆرى و ب ئارمانجكرنا چهكدارى يا بێ وێنه و مهترسيداره و ئهڤێ ژى پێدڤى ب وێ چهندێ يه ڕژێما نوو يا سووريێ پهنا بۆ گفتووگۆ و لۆژيكێ ببهت و ژ وانهيێن بۆرى فێر ببت و دوور بكهڤت ژ سياسهتا قركرن وچهوساندنێ كو ل سهردهمێ ڕژێما بۆرى دهاتنه بكارئينان.
ل ڤێدهرێ ئهم داخوازێ ژ ناڤهندێن بڕیاردانێ ل جيهانێ و لايهنێن پهیوهندیدار دكهین گڤاشتنێ ل حكومهتا سوریا بكهن و هان بدهن ، ب زووترین دهم ئۆپهراسیۆنێن سهربازی ڕاگرن و دانوستاندنێن ڕاستهقینه دگهل ههموو پێكهاتهيێن سوریا دهست پێ بكهن بۆ ئاڤاكرنا دهولهتهكا مهدهنی یا نامهركهزی كو تێدا ههموو بكارن د ژیانهكا ئازاد و سهرفهراز دوور ژ سیاسهتا پشتگۆهـ هاڤێتن و تهپهسهركرنێ و د چارچۆڤێ دهستوورهكێ يهكسان و دادپهروهر دا مافێن سووریان گهرهنتی ببن بێ جیاوازی.
دهستهیا بلندا بنگههێ لالش/دهۆك
8ـی كانوونا دووێ 2026
تُتاح هذه الصورة أيضا في: کوردی