تۆرا لالـش
ئیرۆ ل رێكهفتی 13ـی كانوونا دووێ 2026ێ، شاندهكی قوتابیێن پەیمانگەها پێگەهاندنا کادرێن پارتی دیموكراتی كوردستان ب سهرپهرشتیا قادر قاچاغ سهرۆكێ پهیمانگههێ سهرهدانا بنگههێ لالش ل دهۆكێ كر.
شاند ژ ئالیێ سهعید جردۆ سهرۆكێ بنگههێ لالـش و جێگرێ وی پرۆفیسۆر سهعید خدیدا و كارمهند و ئهندامێن دهستهیا بلند ڤه هاتنه پێشوازی كرن.
د پهیڤهكێ دا سهرۆكێ بنگههێ لالش ب خێرهاتنا ئامادهبوویان كر و خۆشحالیا خۆ بۆ سهرهدانا وان دهربڕی و د پوختهیهكێ دا بهحسێ كار و چالاكیێن بنگههێ لالش و تایی و نڤیسینگههێن ب سهرڤه دناڤ خهلكی دا كرن.
ههروهسان دووڤدا سهرهدانا ژوورا پشتهڤانیا مینحهیا دارایـی بۆ رزگاربوویێن ئێزدی كرن كو ژ ئالیێ رێزدار مهسرور بارزانی سهرۆكێ حكومهتا ههرێما كوردستانێ دهێته پشتهڤانیكرن و رۆلێ سهرۆكوهزیران بۆ رزگاربووییان و بنگههێ لالش بلند نرخاند.
د سهرهدانێ دا قادر قاچاغی رۆلێ بنگههێ لالش دناڤ ئێزدیان و كوردستانێ دا بلند نرخاند و دیاركر ههر ژ دهستپێكا دامهزراندنێ ههتا نهۆ خزمهتهكا مهزن پێشكێشی جڤاكی كریه.
دووڤدا سهرهدانا كهنالێ سهما كرن و خۆشحالیا خۆ دانه دیاركرن و خواستن ئهڤ كهناله خزمهتا چاند و كلتوور و رهوشهنبیرییا ئێزدیان بكهت
ل داویێ ههردوو ئالیان پشتهڤانی و ههماههنگیا خۆ بۆ سازیێن ههڤدوو د ههر بیاڤهكی دا دووپاتكرن.
تُتاح هذه الصورة أيضا في: کوردی