تۆرا لالش
هەرێما کوردستانێ دناڤ جەرگێ ململانێین سیاسییدایە، فۆکسا جیهانی و گوهەرینین ستراتیژیک ل ڤێ دەڤەرێنە، روئیایا میدیاییەکا ئاسایشیی یە نیشتیمانیی یە کویر پێدڤییە.
ئەڤ بوویەریێن هەین، تە بڤێت و نەڤێت، تو بەشەکی، و هەڤسەنگی راگرتن، گران و ئالۆزە. خۆ ‘دوورگرتن’ و ‘ژێ دەرکەفتن’ ب کێمترین خوسارەت ژ ڤی شەری ئەو سەرکەفتنە. ئەو بوویەر و ئێرشێن درۆن و بالیستی بەڵگەنە.
ئەم هەرێمەکە پچووک و قەوارەییەکی ژنووڤە ئاڤاین، هەرچەندە د ڤی شەری دا ل بەمبەر وەڵاتێن کەنداڤی دوورترین ژڤی شەری بەلێ هەر بەشەکین.
ئەوا من دڤێت بەحس لێبکەم، ئەو میدیایێن نها جهـ، زانیاری، وەک بوویەر ڤەدگوهێزن ئەو وەک زانیارییی دهێنە ڤەگوهاستن بۆ ئیتڵاعات و دەزگەهێن سیخوری و هەواڵگێری.
ڕەنگە تو ب چاڤەکی پچووک ببینی بەلي پەیج و ئەکاونتێن فەرماندەیێن سەربازی باشترین ڕێکن کو دەزگەهێن سیخۆری یێن وڵاتان بچنە ناڤ هوورگوولیێن هەری گرنگێن سەربازی.
دیاسایا رۆژنامەگەرییا کوردستانی ژی ژمارە(٣٥) یا ساڵا ٢٠٠٧ـێدا ب هندەک تێرم و تیگەهێن گشتگیر بەحس ل ئاسایش نەتەوەیی کرییە بەلێ ئەڤ یاساییە هیشتا رۆن نینە.
د یاسایا ژمارە ١١ یا مافێ ب دەستڤەئینانا زانیاریان ل ساڵا ٢٠١٣ـي هندەک ئەو شاشیێن یاسایا رۆژنامەگەریی راستڤەکرینە ب تایبەت د برگەیا دووێ ماددەیا چاردێ راستڤەکرینە ئەوژی:
دامودەزگەهێن گشتی یان تایبەت مافێ وان هەیە د ڤان حالەتێن ل خوارێ دا داخوازا زانیارییان رەت بکەن:
1. نهێنیێن تایبەت ب بەرەڤانی و ئاسایشا هەرێمێ: (هوورگولیێن چەک و پێدڤیێن لەشکەری، ئەرکێن نهێنی یێن لەشکەرئ و ئاسایشی، تەڤگەر و تەکنیکێن بەرەڤانی و زانیاریێن هەواڵگری).
2. ئەو زانیارییێن کو ئاشکراکرنا وان دبیتە ئەگەرێ کارتێکرنێ ل سەر رێبازا دانوستاندنێن کو هەرێم دگەل هەر لایەنەکی دی دکەت، یان ل سەر گوهۆڕینا زانیارییان، ئەگەر هەردوو لایەن ل سەر نهێنیبوونا رێککەفتنێ هەتا دەمێ بەلاڤکرنێ رێککەفتبن.
بەلێ ئەڤ یاسایين هەین د ژیواردا ل سەر هندەک میدییایان جيبەجێ نابن ئەوژی ژ پێناڤ ئەو دەزگەهە هەر ئیکەم و پری زانیاری بمینت.
تُتاح هذه الصورة أيضا في: کوردی