تۆرا لالش
د چارچۆڤێ چالاكیێن خۆ دا ل رێكهفتی 28/3/2026ێ، نڤیسینگهها لالش گۆهبل (تایێ سنۆنێ)، بهریكانهیهكا ههمهجۆر یا پرسیار و بهرسڤان ل ناڤ كهمپا خانكێ بۆ قوتابیێن قۆناغێن بنهڕهت و ئامادهیی ئهنجام دا.
ئهڤ چالاكییه ب ئامادهبوونا هژمارهكا مامۆستایێن پسپۆر بڕێڤه چۆ، ب مهرهما هاندانا قوتابیان بۆ ڤهگهڕیانا وان بۆ سهر كورسیكێن خواندنێ، تێ زانین ههردوو قوناغێن ئامادهیی و بنهرهتی د پشكداربوون.
ئامادهبوویان دهستخوهشی ل بهرپرس و ئهندامێن نڤیسینگهها لالش گۆهبل كر بۆ وێ كار و خهباتا بهردهوام یا د خزمهتا گهنج و قوتابیان دا دكهن.
ئارمانج ژ ڤێ بهریكانێ، ئامادهكرنا قوتابیان بۆ دهستپێكرنا وهرزێ خواندنێ ب وزهیهكا نوو، و پشتەڤانیكرنا لایهنێ زانستی یێ لاوان ب ڕێكا پرسیارێن ههمهجۆر.
ل داویێ گرۆپێن سهركهفتی هاتنه خهلاتكرن و ههموو ئامادهبووی و پشكداران سوپاسیا نڤیسینگهها لالش گۆهبهل كرن، بلندكرنا ئاستێ هوشیاریا جڤاكی و پهروهردهیی ل دهڤهرێ ژ ئالیێ نڤیسینگههێ ڤه بلند نرخاند.
تُتاح هذه الصورة أيضا في: کوردی