ئێزدییه‌ك راهێنه‌رێ یانه‌یه‌كا ئه‌لمانی یه
تۆرا لالش يا راگه‌هاندنێ:
راهێنه‌ره‌كێ كوردێ ئێزدی نهۆ راهێنه‌رێ یانه‌یه‌كا ئه‌لمانی یه،خۆ گه‌هاندیه پلا دوویێ یا خۆلا ئه‌لمانی،حه‌ز دكه‌ت ژی ببته راهێنه‌رێ یانه‌یه‌كا خۆلا ته‌پاپێ یا كوردستانێ.
فه‌رات توكۆ،راهینه‌رێ یانه‌یا(SGwattenscheid09)یا ئه‌لمانی د دیداره‌كێ دا بۆ رۆژناما ئه‌ڤرۆ گۆت:هه‌ر ژ زارۆكینیا خۆ من حه‌زا یاریا ته‌پاپێ هه‌بوو من چه‌نده‌كێ یاری دكر،پشتی هنگی من كارگێریا یانه‌یا كر و حه‌ز دكر بمه راهێنه‌رێ یانه‌یه‌كا وه‌لاتێ ئه‌لمانیا،دماوه‌یه‌كی دا من باوه‌رنامه‌یا راهێنه‌ریێ وه‌رگرت و من هه‌موو كارێن راهێنه‌ریێ زانین بۆ من بوو پالپشته‌ك كو راهێنه‌ریا یانه‌یه‌كێ وه‌رگرم.
ناڤبری ئه‌و چه‌نده ژی خویاكر،پشتی من راهینه‌ریا یانه‌یێ وه‌رگرتی هه‌موو هه‌ول دان ئه‌ز درێزبه‌ندیێ خۆلێ دا بینمه پله‌یێن ئێكه‌م،ئه‌و كاره من كر و ئینا و من ژ وێ پله‌یا 3ب داوی ئینا و ئه‌م به‌ره‌ف پله‌یا دوو چۆین و هیڤیا من ئه‌وه بچینه پله‌یا ئێك و هه‌ڤركیێ لگه‌ل وان بكه‌ین،ژبه‌ركو ئه‌و یانه‌یه لگه‌ل قاره‌مانیێن ئه‌وروپا یاریێ دكه‌ن.
گۆتژی حه‌زدكه‌م بمه راهێنه‌رێ یانه‌یه‌كا خۆلا ته‌پاپێ یا كوردستانێ و پتر خزمه‌تا ته‌پاپێ یا كوردستانێ بكه‌م.
فه‌رات توكۆ ژ دایكبوویێ سالا 1980یه و ژبنه‌ماله‌كا خه‌لكێ باكوورێ كوردستانێ یه و ل ئه‌لمانیا ئاكنجیه،راهێنه‌ریا چار یانه‌یێن دی كریه ل وه‌لاتێ ئه‌لمانیا.
تُتاح هذه الصورة أيضا في: کوردی
