حكوومەتا عێراقێ بۆ رزگاركرنا گرتیێن ئێزدی كێم تەرخەم بوویە
تۆرا لالش یا راگەهاندنێ
پتری دوو هەزار رەڤاندیێن ئێزد
ی ژبال حكوومەتا هەرێما كوردستانێ ڤە هاتینە كرین و رزگاركرن ژ دەستێ داعشێ،لێ هێش گەلەك رەڤاندیێن دی ژی ماینە و نەهاتینە ئازادكرن ڤێ چەندێ ژی وەل ژنێن ئێزدی كریە بەردەوام هەست ب ترسێ بكەن ل پاشەرۆژێ،كچێن ئێزدی ئاماژێ ب وێ چەندێ دكەن كو كێم تەرخەمی ژبال حكوومەتا عێراقێ و جڤاكێ نێڤ دەولەتی هەبوویە بۆ رزگاركرنا رەڤاندییان.
بەرپرسا رێكخراوا داك بۆ گەشەپێدانا ژنا ئێزدی سوزان سەفەر دبێژت:ژ دەست پێكێ و هەتا نۆكە كێم تەرخەمی ژبال حكوومەتا عێراقێ و جڤاكێ نێڤ دەولەتی هەبوویە بۆ رزگاركرنا رەڤاندیێن ئێزدی،دیسان سەرەرای كرینا پتری دوو هەزار رەڤاندیێن ئێزدی ژ كچ و ژن و زارۆك و زەلامان ژبال حكوومەتا هەرێمێ ڤە،هێش گەلەك وێت ماین نەهاتینە رزگاركرن و ئەڤە كارە وەل مە دكەت وەكو ژنێن ئێزدی بەردەوام هەست ب ترسێ بكەین ل پاشەرۆژێ.
هەروەسا چالاكڤان دبوارێ ژنێ دە چنار شەمۆ دیاركر،ژنا ئێزدی تووشی مەزنترین تاوانێن توند و تیژیێ و كرین و فرۆتنێ دبن ل سەرانسەری جیهانێ،نۆكە كەس هەست ب ئێش و ئازارێن وان ناكەت و ئەم وەك كچ و ژنێن ئێزدیان ئەڤێ بێدەنگیا جیهانی شەرمەزار دكەین ب تایبەت حكومەتا عێراقێ كو ئەركەكە لسەر ملێت وێ وەلاتێن خۆ ژ هەر نەخۆشیەكێ بپارێزت،داخوازێ ژ جڤاكێ نێڤ دەولەتی و حكوومەتا عێراقێ دكەم رێكە چارەیەكێ بۆ رەوشا كچ و ژنێن ئێزدیان ب بینن.
ژلایەكی دیڤه رۆژنامەڤان جیهان عەبۆ خویاكر،حكوومەتا عێراقێ ژ ئەوا ب سەرێ كچ و ژنێن ئێزدیان بەرپرسیارە،چنكو ئەو كچ و ژن شەرەف و نامووسا هەموو عێراقێ نە،لێ ل ناڤ ئاخا عێراقێ لبەر چاڤێ هەموو دونیایێ بێ رێزی و سڤكاتی بەرامبەر كچ و ژنێن ئێزدی هاتەكرن و ل وەلاتێن دوروبەر هەتا نۆكە كرین و فرۆتن ب وان كچ و ژنان یا دئێتە كرن و هەتا نۆكە حكوومەتا عێراقێ چ پێنگاڤێن بلەز نەهاڤێتینە بۆ رزگاركرنا وان،دیسان كۆمەلگەها نێڤ دەولەتی ژی ب چاڤەكی كێم ل كارەساتا شەنگالێ دنێرت.
تُتاح هذه الصورة أيضا في: کوردی
