بنگەهێ لالش و 
مال و كۆمەلێن ئێزدیا نامەیەكێ رادەستی پارتیا كەسك یا ئەلمانی دكن
راگەهاندنا بنگەهێ لالش_ئەلمانیا
ل رێككەفتی 8/6/2016،دلشاد سمۆ بەرپرسێ بەشێ رەوشەنبیریێ بنگەهێ لالش ل ئەلمانیا و لگەل چەند نوونەرێن مال و كۆمەلێن ئێزدیا ل باژێرێ بیلیفیلد و دەوروبەرا،جڤینەك لگەل ئوزدەمیر سەرۆكێ پارتیا كەسك یا ئەلمانی ئەنجامدان.
جڤین ل بارەگایێ پارتیا ناڤبری ل بیلیفیلد ب ئامادەبوونا چەند ئەندامێت وێ پارتێ و چەندین نوونەرێن رۆژنامێت باژێری و دەوروبەران هاتە ل دارخستن،ئەڤ جڤینە هاتبوو داخوازكرن ژلایێ وان مال و كۆمەلان ڤە پشتی روودانێت شەرێ دناڤبەرا پەنابەرێن ئێزدی و شیشانی ل جهەكێ ڤەحواندنا پەنابەران ل بیلیفیلد.
دڤی واری دا مال و كۆمەلێن ئێزدی نامەك رادەستی ئوزدەمیر كرن و تێدا داخوازا پشتەڤانیا سیاسی یا پارتیا وی كرن بۆ پاراستنا پەنابەرێن ئێزدی ل جهێت ڤەحواندنا پەنابەران ل ئەلمانیا،ژلایێ خۆڤە ئوزدەمیر گۆت ئەو پشتەڤانێن ئێزدیانە ب گشتی و سۆزدا كو ئەو دێ وێ نامێ خوونت و دێ هەول دەتن ب رێیا خۆ داخوازیێن ئێزدیان بگەهینتە پەرلەمانێ ئەلمانی،ل سەر دیتنا وی بۆ پاشەرۆژی ئوزدەمیر گۆت دەستورێ ئەلمانی پاراستنا ئێزدیا دچەسپینت و هەر كەسێ ئەڤ تشت نە ب دلێ وی بت جهێ وێ ل ئەلمانیا نینە.
ڤێ جڤینێ نێزیكی دەمژمێرەكێ ڤەكێشا ،ل داویێ نوونەرێن مال و كۆمەلێن ئێزدیا سوپاسیا خۆ ئاراستەی ئوزدەمیر و تیما پارتیا وی كرن،ژبۆ تەرخانكرنا دەمی و گۆهداریكرنا گلە و گازندێن وان.
تُتاح هذه الصورة أيضا في: کوردی
