قایممقامێ شنگالێ هێرشى نەینەوا دكت
تۆرا لالش یا راگەهاندنێ
مەحما خەلیل،قایممقامێ قەزا شنگالێ داخوازێ ژ حكوومەتا عێراقێ و جڤاكێ نێڤ دەولەتی دكت،لڤینێ و كار بكن بۆ دووبارە ئاڤەدانكرنا دەڤەرێن رزگاركری ژ داعشێ،هەڤدەم بۆ ڤەگەراندنا ئاوارەیان ب تایبەت ل قەزا شنگالێ كو سالەك ل سەر رزگاركرنا وێ دەرباز بوو،حكوومەتا نافخۆیی ل نەینەوا بەرپرسیار دانا ل هەمبەر كێمتەرخەمی و پشت گۆه هاڤێتنێ،د دەرهەقێ ئاوارەیان دا.
مەحما خەلیل،بۆ شەفەق نیوز دیاركر:”ل بیرەوەریا دوویێ یا كارەساتا كەفتنا مەزنترین پارێزگەهێن عێراقێ ل بن دەستێ كۆنترۆلا داعش و ئەوا ل پشت خۆ هێلایی ژ كارەساتەكا مەزن ژ ژمارەیا قوربانیان و گرتییان و كریاران و زیانان یێن ب پارێزگەها نەینەوا كەفتین،ئەز داخوازێ ژ حكوومەتا عێراقێ و جڤاكێ نێڤ دەولەتی بلەز بلڤن بۆ ئاڤەدانكرنا دەڤەرێن رزگاركری،ژبۆ ب داوی ئینانا خەلكێ وان یێن كۆچبەر ژبۆ دووبارە ڤەگەراندنا وان بۆ دەڤەرێن وان و دەستپێكرنا ژیانا وان ب شێوەیەكێ سروشتی”.
زێدەتر گۆت:”پشت گۆه هاڤێتنێن مەزن هەینە ژ بال دەسەلاتێن حكوومەتا نافخۆیا مووسلێ،ژبەركو خزمەتكاری و دراڤ پێشكێشی ئاوارەیان و دەڤەرێن رزگاركری نەكرینە،سەرەرای بۆرینا سالەكێ ل سەر رزگاركرنێ بێ كو گهۆرینەك ل سەر ئەردی ب دەست ڤە هاتبتن”.
تُتاح هذه الصورة أيضا في: کوردی
