دوو ملیار دینار ل سەر ئاوارە و رزگاربوویان دێ ئێنە دابەشكرن
تۆرا لالش یا راگەهاندنێ
سەرۆكێ لیستا برایەتی وپێكڤەژیانێ ل ئەنجومەنێ پارێزگەها مووسلێ دبێژت بەغدا ئەڤ سالە تنێ شەش ملیار دینار بۆ پارێزگەها مووسلێ رەوانەكرینە،كو دوو ملیار ژوان بۆ ئاوارە وئەوێن ژدەستێ داعشێ هاتینە رزگاركرن دێ ئێتە دابەشكرن.
سەیدۆ چەتۆ،سەرۆكێ لیستا برایەتی وپێكڤەژیانێ ل ئەنجومەنێ پارێزگەها مووسلێ ب ئاژانسا هەوالێن زاگرۆس راگەهاند:”بریاربوو شاندەكێ ئەنجوومەنێ پارێزگەها مووسلێ دەربارەی نە هنارتنا بەهرا بوودجەیا پارێزگەها مووسلێ سەرەدانا بەغدا بكت، جارێ دیار نینە كەنگی ئەو سەرەدان دێ ئێتە ئەنجامدان،بەلێ بریارە ئیرۆ پارێزگەرێ مووسلێ سەرەدانا بەغدا بكت ولگەل بەرپرسێن بەغدا پرسا نەهنارتنا بەهرا بوودجەیا مووسلێ بەحس بكت”.
سەیدۆ چەتۆ گۆتژی ل ئەڤ سالەدە بەغدا چار ملیار دینار بۆ پەرەپێدانا پارێزگەهان هنارتیە ونۆكە ژی دوو ملیارێن دی هنارتینە ملیارەك ژوان ب سەر ئاوارەیان دێ ئێتە دابەشكر وملیارا دی ب سەر رزگاربوویان دێ ئێتە دابەشكرن،كوهەزارو ٦٧٣كەس رزگاربووینە هەر ئێك ژوانا نێزیكی ٥٠٠بۆ٦٠٠هەزار دیناران بەردكەڤت.
گۆتژی لژنەیەك بۆ دابەشكرنا وی دراڤی هاتیە دروستكرن،بۆ هندێ ل سەرئاستێ كەمپان كو١٨كەمپە وژ دەرڤە ژمارەیا وان چەندە دراڤی ب سەر دا بێتە دابەشكرن.
تُتاح هذه الصورة أيضا في: کوردی