شنگال.. پێشمه‌رگه‌ی و هه‌ڤپه‌یمانان جهێن داعشێ بۆمبه‌باران كرن
وار
تۆپخانه‌یێن هێزێن پێشمه‌رگه‌ی و فرۆكه‌یێن شه‌ركه‌رێن هه‌ڤپه‌یمانان، جهێن داعشێ ل رۆژئاڤایێ شنگالێ بۆمبه‌باران كرن و زیانێن مه‌زن ل تیرۆرستان دان.
مقه‌دم خالد هه‌مزۆ، جێگرێ فه‌رماندارێ به‌تالیۆنا تایبه‌ت بۆ وار گۆت: ئه‌ڤرۆ سات 6 ئێڤاری، تیرۆرستێن داعشێ ل گوندێ رامبوسیێ ل هه‌مبه‌ری دومیزا شنگالێ، ب رێیا دوشك و تۆپ و هاونان، سه‌نگه‌رێن پێشمه‌رگه‌ی تۆپباران كرن، لێ هێزێن پێشمه‌رگه‌ی ب دژواری به‌رسڤا تیرۆرستان دا و پشتی ده‌مه‌كێ كێم ژی، هه‌ڤپه‌یمان گه‌هشتنه ئاسمانێ ده‌ڤه‌رێ و دو جاران، جهێن داعشێ بۆمبه‌باران كرن.
گۆت ژی، پێشمه‌رگه د بێ زیانن و زانیاریێن هه‌والگری ژی، ئاماژی ب ژناڤبرنا هاونه‌ك و چه‌ند جوره چه‌كێن دی یێن داعشێ، دگه‌ل كوشتنا چوار تیرۆرستان دكه‌ن و نوكه تیرۆرست ب ته‌مامی هاتینه بێ ده‌نگ كرن.
تُتاح هذه الصورة أيضا في: کوردی
