قاسم دربۆ:پێتڤیە پەكەكە پابەند بت و شنگالێ چۆل بكت
تۆرا لالش یا راگەهاند
نێ
فەرماندەیەكێ هێزێن پێشمەرگەی دبێژت،پێتڤیە پەكەكە پابەند بت ب بریارا ئەنجوومەنێ پارێزگەها مووسلێ و كێشا دروست نەكن، چنكو ژبەر كوردبوون نەبا دەمەك بوو دێ مە ئەو ژ شنگالێ دەرێخستبان.
قاسم دربۆ،فەرماندەیێ هێزێن پێشمەرگەی و كەسایەتیێ بەرنیاسێ ئێزدی،ب مالپەرێ فەرمیێ پارتی دیموكراتی كوردستان راگەهاند:”ئەو بریارا ئەنجوومەنێ پارێزگەها مووسلێ بۆ دەرێخستنا پەكەكە دەرێخستی، پێتڤیە پێ پابەندبن و كێشا دروست نەكن، چنكو ئەو بریارە هاتیە دان بریارا حكوومەتێ یە و فەرمییەو نابت پابەند نەبن پێ “.
ئەو فەرماندەیێ پێشمەرگەی دبێژت، قەبوول ناكەین كەس زولمێ ل شنگال بكت و خۆ بكت ب خودانێ شنگال،چنكو خەلكێ شنگال هیچ وەختەكی سازش ل سەرمافێ خۆ نەكریە و ئەو بێ دەنگیا مە ژی ئەوە كو ئەو كوردن ئەگەرنا دەمەك بوو دێ مە ئەو كربانە دەر، هیڤیدارین پەكەكە پابەند بت ب وێ بریارێ و شنگال چۆل بكت.
ئەڤە ژی ل وەختەكی دایە،پشتی ئەنجوومەنێ پارێزگەها مووسلێ بریارا دەرێخستنا پەكەكێ ل شنگال دەرێخست،پەكەكێ بەحسێ هندێ كریە پابەندی وێ بریارێ نابن و شنگال چۆل ناكن ژبەر هندێ ئەو فەرمانێ ژ بەغدا وەردگرن.
تُتاح هذه الصورة أيضا في: کوردی