راگەهاندنا ئەرەبی رۆلەكێ خراب دكارەساتا شنگالێ دا گێرایە
تۆرا لالش یا راگەهاندنێ/ماهر شنگالی
بەرپرسێ راگەهاندنا دەستەیا بلندا بنگەهێ لالش ل دهۆكێ ئاشكەراكر،كو هندەك راگەهاندنا ئەرەبی رۆلەكێ خراب دكارەساتا شنگالێ دا گێرایە.
ل كەمپا قادیا،ئیرۆ 12/6/2016،سەنتەرێ گەنجان و ب هەڤكاریا رێكخراوا هاریكار،سمینارەك ل دۆر رۆلێ راگەهاندنێ دئاڤاكرنا ئاشتیی دا بۆ (جەعفەر سمۆ)بەرپرسێ راگەهاندنا دەستەیا بلندا بنگەهێ لالش ل دهۆكێ سازدا،كو تێدا گۆرگێری ئاماژەكر كو گەرەكە گەنج دڤێ قۆناغێ دا گەلەك ب هزر وهشیارانە رەفتارێ لگەل ئالاڤێن راگەهاندنێ بكت و دیاركر ژی كو هندەك راگەهاندنا ئەرەبی رۆلەكێ خراب دكارەساتا شنگالێ دا گێرایە.
ژلایەكێ دیڤە بەرپرسێ راگەهاندنا بنگەهێ لالش بەحسێ هندەك كێماسیێن راگەهاندنا كوردی ژی كر،هەمبەری كارەساتا شنگالێ،پاشی سمۆ بەحسێ رۆلێ راگەهاندنا لالشێ كر پشتی كارەساتا شنگالێ وەكو بەرنامێن سەما و مەرگە و رۆژناما دەنگێ لالش،كو تێدا رۆژانە هایداری رەوشا خەلكێ لێقەومیایی دبوو.
دڤێ سمینارێ دا ژمارەیەكا كچ و كورێن شنگالێ دئامادەبوون و ل داویێ دەرگەهێ دانوستاندنێ هاتە ڤەكرن،ئامادەبوویان خواست راگەهاندن پتر خۆ ل خواستەكێن وان بكەتە خودان و سمینارێن ب ڤی شێوەی بەردەوام بێنە گێران،ژبەركو گەنج پێتڤی ب ڤان سمینارانە.
تُتاح هذه الصورة أيضا في: کوردی
