تۆرا لالش
د چارچۆڤێ کار و چالاکییێن مەیدانی یێن بەردەوام دا، بنگەهێ لالش (تایێ بەعشیقێ و بحزانی) پێشوازی ل شاندەکێ بلند ب سهرپهرشتییا غەزوان حامد الداؤودي، جێگرێ ئێکێ یێ پارێزگارێ نەینەوا کر.
بنگەهێ لالش ڕۆلەکێ کارا گێڕا د هەماهەنگیێ دا بۆ گەهاندنا هاریکاریێن بلەز بۆ وان قوتابیێن ئێزدی یێن شنگالی یێن کو ژ ئەگەرێ لافاوێن بارانێ زیان گەهشتیە جهێ ئاكنجیبوونا وان و ئەڤ کارە ب ڕێنماییا مامۆستا نهوزاد هادی، ئەندامێ مەکتەبا سیاسی یا پارتی دیموکراتی کوردستان و ب هەڤکاری دگەل دەزگەهێ خێرخوازی یێ بارزانی هاتە ئەنجامدان.
ل ڤێدهرێ جێگرێ پارێزگاری بەرهەڤیا خۆ دیار کر بۆ دابینکرنا پێدڤیێن وان یێن سەرەکی وەک دابینكرنا غازێ بۆ چێکرنا خوارنێ.
شاندێ مێهڤان ب هەڤالینیا بەرپرسێن بنگەهێ لالش، سەرەدانا دیوانا سەرۆکێ قەوالان (قەوال بەهزاد قەوال سلێمان سفۆ)، ئەندامێ جڤاتا ڕووحانی یا بلندا ئێزدیان کر، د دیدارەکێ دا باس ل ڕەوشا جڤاکی و پێکڤەژیانا ل دەڤەرێ هاتە کرن.
هەر د ڤێ گەڕیانێ دا، شاندی پشکداری د ڕێورەسمێن قەداسا کەنیسەیا بەعشیقە یا سریان ئۆرسۆدۆکس دا کر ب هەلکەفتا جەژنا قیامەتێ. بنگەهێ لالش د ڤێ چارچۆڤێ دا دوپات کر کو بەعشیقە و بحزانی میناکا هەرە جوانن بۆ تەبا و پێکڤەژیانا د ناڤبەرا پێکهاتێن جودا دا.
ل دوماهیا گەڕیانێ، شاندی پشکداری د پرسەیا خودێ ژێ ڕازی (ئیبراهیم خدر سینۆ) دا کر و سەرەدانەک ژی بۆ نۆژداریا دکتۆر ئەوس تارق ئەنجامدا، وەک پشتەڤانیەک بۆ کەرتێ تەندروستی ل دەڤەرێ.
تُتاح هذه الصورة أيضا في: کوردی