تۆرا لالش
ل ڕۆژا ئێکشەمبوویێ ڕێکەفتی (2 / 8 / 2026)، ب سەرپەرشتی و ڕێکخستنا بنگەهێ لالش تایێ باعەدرێ، ڕێ و ڕەسمێن ساخکرنا ساڵڤەگەرا جینۆسایدا ئێزدیان ل شنگالێ ل سەنتەرێ ناحیا باعەدرێ هاتنە ئەنجامدان.
ئەو ڕێ و ڕەسمە ب ئامادەبوونا ڕێڤەبەرێ ناحیا باعەدرێ ڕێزان میرزا بەگ، نونەرێن لژنا ناوچا باعەدرێ یا پارتی دیموکراتی کوردستان، ئەنجومەنێ مالا میران، کەسایەتیێن میری، جڤاکی، ڕەوشنبیری و تەخ و پێکهاتێن جودا جودا یێن باعەدرێ و دەڤەرێ ب ڕێڤەچوون.
تەوەر و بڕگەیێن سەرەکی یێن ڕێ و ڕەسمان ب ڤی شێوەیی بوون:
-
پەیڤا بخێرهاتنێ: ژلایێ (کاروان باعەدری) ڤە هاتە پێشکێشکرن، هەروەسا خولەکەکا بێدەنگی بۆ ڕێزگرتن ل گیانێ پاکێ شەهیدان هاتە ڕاوەستیان.
-
پەیڤا بنگەهێ لالش: ژلایێ (خلات باعەدری) بەرپرسێ بنگەهێ لالش تایێ باعەدرێ ڤە هاتە خواندن.
-
ڕێزگرتن ب دەنگێ ئامبولانسێ: وەکو هێمایەک بۆ ئازار و کارەساتا شنگالێ، ئامادەبووی ب گوهداریكرنا دەنگێ ئامبولانسێ ب بێدەنگی ڕاوەستيان.
-
هلکرنا شەمالکان: ژلایێ ئامادەبوویان ڤە مۆم و شەمالک بۆ یادکرنەوەیا قوربانیان هاتنە هلکرن.
-
پێشکێشکرنا پاشیڤێ: د دوماهیا ڕێ و ڕەسمان دا، خوارنا پاشیڤێ بۆ پشکداران هاتە پێشکێشکرن.
تُتاح هذه الصورة أيضا في: کوردی