مەسنجەرا فەیسبووکێ دێ گوهرین بسەردا هێن
ئێن ئارتى
کۆمپانیا فەیسبووکێ ڕاگەهاند کو دێ گوهڕینان د ڕوویێ سەرەکیێ مەسنجەرێ دا ئەنجامدەت بۆ هندێ بکارئینەرێن وێ بشێن ب سەناهیتر و لەزتر نامەیان ڤەگوهڕن.
د ڕاگەهاندنەکا فەیسبووکێ دا کو پێنج شەمبیا بووری ١٦ێ حوزەیرانێ بەلاڤکریە و چەند وێنە وڤیدیۆیەک بەلاڤکرینە کو ڕوویێ نوو یێ مەسنجەرێ ددەنە دیارکرن و د ڤێ گوهڕینێ دا ل دەمێ ڤەگوهارتنا نامەیان ل جهێ ئان کو ل شوونا پشت ب دەمێ نامەیان بهێتە گرێدان پشت ب گرنگیا کەسان دهێتە گرێدان.
دگەل ڤێ چەندێ ژی ئەو هەڤالێن کو دوماهیک جار نامە دگەلدا هاتینە ڤەگوهارتن د ڕێزا پێشیێ دا دهێنە دیتن، هەروەسا ڕۆژا ژدایکبوونا ئەو کەسێن مەسنجەرا وانا یا ئەکتیڤە ددەتە دیارکرن.
فەیسبووک ڤێ نووکرنێ ب رێکەکێ بۆ باشترکرنا ئەزموونا بکارئینانا ئەوی بەرنامەی هەژماردکەت و چێدبیت د دەستپێکێ دا بکەڤیتە بەر رەخنەیا بکارئینەرێن وێ.
تُتاح هذه الصورة أيضا في: کوردی
