کۆمپانیا ئەپڵ ئاگەهیان ددەتە بکارئینەرێن خوە
ئێن ئارتى
کۆمپانیا ئەپڵ یا ئەمریکی، سەبارەت ب فرۆتنا پارچێن مۆبایلا وێ کۆمپانیایێ د بازارێن ئەمازۆن دا ئاگەهیان ددەتە بکارئینەرێ خوە کو ژ %٩٠ێ وان پارچان ئۆرجیناڵ نینە و ساختەنە.
کۆمپانیایا ئەپڵ گۆت ژی بکائینانا پارچێن ساختە دێ بیتە سەدەمێ بلندبوونا پلا گەرمێ یا وان مۆبایلان، د ئەنجامدا راستی ئاگربەربوونێ و پەروشکێت کارەبێ دهێن.
لگۆری پێگەها “سی نێت دۆت کۆم” کۆمپانیا ئەپڵ ب فەرمی سکالا ل دژی ٥١ کۆمپانیان تۆمار کریە کو “مۆبایل ستار” ئێکە ژ وان کۆمپانیان، کو توهمەتبار دکەتن ب ساختەکرنا نیشانێن بازرگانییێن کۆمپانیا ئەپڵ و فرۆتنا پارچێن ساختەیێن وەکی شاحینە و کێبڵ و هندەک بەرهەمێن دی تر.
لگۆری وێ سکالایێ یا کو کۆمپانیا ئەپڵ تۆمارکری ل دژی کۆمپانیایێن کو بەرهەمێن وێ ساختە دکەن و دفرۆشن، زۆرترین ئەو پارچێت هاتینە فرۆتن کێبلا وێ مۆبایلێ بوویە کو کۆمپانیا ئەپڵ بەرهەم تینیت ب ناڤێ “لاتینینگ”ـە، د ناڤ دەهـ کێبلان دا نەهـ ساختەنە.
کۆمپانیا ئەپڵ داخازا گوژمێ ١٥٠ هزار دۆلاران دکەت وەکی قەرەبوو، ل هەمبەر هەمی وان سەرپێچییان کو ل هەمبەر هزرا تایبەتا وێ کۆمپانیایێ هاتینە کرن، وە گوژمێ ملیۆنەک دۆلارێ قەرەبوو ل هەمبەر هەر ساختەیەکێ کو ل نیشانێ بازرگانیێ ئەوێ کۆمپانیایێ هاتیە کرن.
تُتاح هذه الصورة أيضا في: کوردی