بەرنامەیەک مەسنجەر و فەیسبوک و ئینستاگرامى كۆم دكت
خەندان 
بەشێوەیەکی فەرمی و لە رێگەی ژووری هەواڵی خۆیانەوە، کۆمپانیای فەیسبوک خزمەتگوزارییەکی بۆ بەرهەمەکانی راگەیاند لەپێناو بەفیڕۆنەدانی کات و خیراترکردنی کاری بەکارهێنەران.
وەک ئاشکرایە هەریەکە لە (فەیسبوک، مەسنجەر، ئینستاگرام) لەلایەن کۆمپانیای فەیسبوکەوە بەڕێوەدەبرێن و گەشەیان پێدەدرێت، بۆ ئەو مەبەستەش کۆمپانیاکە رایگەیاند هەرسێ خزمەتگوزارییەکە دەبنە یەک و لە رێگەی بەرنامەیەکیانەوە دەتوانرێت بەکارهێنەر لە یەک شوێن نامە و ئاگادارکردنەوەکان ببینێت.
بەپێی راپۆرتێکی فەیسبوک، مانگانە چەندین کۆمێنت و ئاگادارکردنەوەو پەیام لەنێوان ئەکاونت و پەیجەکانی ئینستاگرام و فەیسبوک ئاڵوگۆڕ دەکرێن، هەربۆیە بڕیاریانداوە لە رێگەی بەرنامەی (facebook page manager) ئاگادارکردنەوەکان و پەیامەکانی فەیسبوک و ئینستاگرام و مەسنجەر بکەن بە یەک و لەوێوە کۆنتڕۆڵ بکرێن کە بۆ ئەندرۆید و ئای ئۆ ئێس بەردەستە.
واتە ئەگەر کەسێک لە رێگەی هەژمارو پەیجی فەیسبوکییەوە ئینستاگرامیشی دروستکردبێت یان پێوەی پەیوەست کردبێت ئەوا دەتوانێت لە رێگەی بەرنامەی (facebook page manager) بیانکات بەیەک و لە یەک کاتدا هەموویان ببینێت و وەڵامی کۆمێنت و نامەکان بداتەوە بەبێ ئەوەی بچێتە ئینستاگرام یان مەسنجەر.
ئامانجی فەیسبوکیش کەمکردنەوەی کات و خێراترکردنی کارەکانی بەکارهێنەرە، تا بتوانێت لەو رێگەیەوە زۆرتر چالاک بێت و هەژمار و پەیجەکانی بەڕێوەبەرێت، ئەم خزمەتگوزارییەش زۆرەملێ نییە و بەکارهێنەر دەتوانێت بەکاریبهێنێت یاخود بەکارینەهێنێت.
تُتاح هذه الصورة أيضا في: کوردی