فەیسبوک و ئینستاگرام هاتنه نووكرن
خەندان
بەشێوەیەکی فەرمی هەردوو بەرنامەکەی کۆمپانیای فەیسبوک (ئینستاگرام، فەیسبوک) بۆ هەردوو سیستمی ئەندرۆید و ئای ئۆ ئێس نوێکرانەوە بە چەند گۆڕانکارییەکی وردەوە.
لەماوەی چەند رۆژی رابردوو، بەکارهێنەرانی ئەو دوو سیستمە کارپێخەرە لە رێگەی بازاڕە ئەلیکترۆنییەکانەوە نوێکردنەوە (Update) چووە بۆ ئاپی فەیسبوک و ئینستاگرامەکانیان، مەبەست لەو نوێبوونەوەیەش گۆڕینی چەند بەشێکی بچووکی هەردوو بەرنامەکەیە.
لە گرنگترین ئەو گۆڕانکارییانەی لە ئینستاگرام کراوە، گۆڕینی رەنگی (follow) و (unfollow)ـەوە، واتە ئەگەر کەسێکت فۆڵۆو نەکردبێت رەنگی شینە بەڵام ئەگەر فۆڵۆوت کردبێت رەنەگەکەی دەبێتە سپی، هەروەها باگراوندەکەی پشتەوەش کراوە بە سپی، ئەمە بێجگە لەوەی دەتوانرێت پەیوەست بکرێت بە بەرنامەی (Facebook Page Manager).
لەلایەکی دیکەشەوە لە ئاپەکەی فەیسبوک گۆڕانکارییەکە بەشی گەڕان (Search)ی گرتووەتەوە، لەکاتی گەڕان بەدوای ناوێک یان پەیجێک وێنەی کەسەکە ناهێنێت و تەنیا نووسینەکانە، بەڵام پاش کلیک کردن لەسەر ناوەکە پۆست و نووسینەکانی پەیوەست بەو گەڕانە دەهێنێت و دواتر لەوێوە دەتوانرێت بچێتە سەر ئامانجی دیاریکراو.
تُتاح هذه الصورة أيضا في: کوردی