ڤێرژنێکی واتس ئاپ يێ نوو كهفته بهردهست
ZNA-ههولێر
دەتوانی بێ ئەوەی ڤیدیۆ دابەزێنیت، لە واتس ئاپ سەیری بکەیت بەرپرسانی پڕۆگرامی تۆڕی پەیوەندیی (واتس ئاپ)، ڤێرژنێکی نوێی پڕۆگرامەکەیان، بۆ بەکارھێنەرانیان بەردەست کرد و تێیدا دوو تایبەتمەندیی گرنگیان زیاد کردووە.
ئەمڕۆ دووشەممە 5/12/2016، بەرپرسانی پڕۆگرامی واتس ئاپ، ڤێرژنێکی نوێیان بۆ بەکارھێنەرانی ئەندرۆید بەردەست کرد و تێیدا دوو تایبەتمەندیی گرنگیان زیاد کرد، یەکێک لەوانەش لەمەوپاش دەتوانی ڤیدیۆ بکەیتە وێنەی جووڵاو (GIF)، پاشان بۆ ھاوڕێکەتی بنێریت، بەڵام نابێت ڤیدیۆکە لە شەش چرکە زیاتر بێت.
تایبەتمەندییەکی دیکەی گرنگ بۆ واتس ئاپ زیاد کراوە، ئەویش ئەوەیە، کاتێک ھاوڕێیەکت ڤیدیۆیەکت بۆ دەنێرێت، دەتوانی بێ ئەوەی ڤیدیۆکە دابەزێنێتە نێو مۆبایلەکەت، سەیری تەواوی ڤیدیۆکە بکەیت.
ئەم نوێکارییانەی واتس ئاپ تەنیا بۆ بەکارھێنەرانی سیستەمی ئەندرۆید بەردەستە، بۆ بەدەستھێنانیشیان، پێویستە پڕۆگرامی واتس ئاپ، لەنێو مۆبایلەکەتدا نوێ (Update) بکەیتەوە.
تُتاح هذه الصورة أيضا في: کوردی