ئێکەم رۆبۆتێ پەرستار دێ هێتە دروستکرن
ئێن ئارتى
هژمارەک ڤەکولەرێن برێتانی ل زانکۆیێن میدلسێکس و بێدفۆرشایەر ب هەماهەنگی دگەل پسپۆرەکێ یابانی دێ رابن ب دروستکرنا ئێکەم رۆیۆتێ پەستار کو وەکی پسپۆرێ جڤاکی کار بکەت.
ئەڤ پرۆگرامێ نوی ژلایێ ئێکەتیا ئەوروپا و حکومەتا یابانێ ڤە هاتیە پشتەڤانیکرن و نێزیکی دوو ملیۆن پاوەنێن برێتانی ژبۆ ڤی رۆبۆتی هاتنە تەرخانکرن و بریارە کو ئێکەم پەرستارێ ئەلیکترۆنی د دەمێ سێ سالێن داهاتی دا بێتە ئامادەکرن.
ئەو رۆبۆت دێ رابیت ب ئەنجامدانا کارێن سادە وەکی ڤەگوهاستنا نەخۆش و پێشکێشکرنا خورانێ بۆ نەخوشخان.
لگۆری زانکۆیا میدلسێکس ئەڤ تایبەتمەندیا ڤی رۆبۆتێ پەرستار د وێ ئێکێ دایە کو ب ئێکەم رۆبۆت د جیهانێ دا تێ دانین کو هاتبە دیزاینکرن و ئەو تایبەتمەندیێن کو د وی رۆبۆتی دا هاتنە دروستکرن وەکی پێشکێشکرنا خوارانێ بۆ کەسێن دانعەمرە.
ئەنجامدەرێن ڤی پرۆژە ئاماژە ب وێ ئێکێ دکەن کو ئەڤ رۆبۆتێ نوی ب جۆرەکێ دێ هێتە پرۆگرام کرن کو شیانا وێ ئێکێ هەبیت ب باشی سەرەدەریێ دگەل وەلاتیان دا بکەت و رێزێ ژ داب و نەریتێن نەتەوەیێن دی بگریت، ئەگەر هاتوو بۆ وەلاتێن دی یێن جیهانێ هاتە رەوانەکرن.
تُتاح هذه الصورة أيضا في: کوردی