فەیسبوک تایبەتمەندییەکا نوو زێدەکر
ئێن ئارتى
تۆرا جڤاکیا فەیسبوکێ تایبەتمەندییەکا نوو زێدەکر کو تێدا کەسێن بکارئینەرێن دکارن کارێ خێرخوازیێ و چەند چالاکیێن مرۆڤیێن دی ئەنجام بدەن.
بەری چەند مەهان ژی ئەڤ تایبەتمەندییە ب رەنگەکێ دەمکی دناف فەیسبوکێ دا هاتبوو زێدەکرن، لێ د نها دا ل ولاتێ ئەمریکا و ١٨ ولاتێن دی هاتیە چالاک و ئەکتیڤ کرن.
لگۆری چەند ژێدەرێن میدیایی، رۆژا شەمبیا رابهوری کۆمپانیا فەیسبوک راگەهاندیە کو تنێ ئارمانج ژ ڤێ تایبەتمەندیا نوو کارێ خیرخوازییە و تێکەز ژی کریە کو هیچ ئارمانجەکا دارایی و مفا لپشت نینە.
ئەڤ تایبەتمەندییا نوویە ب شێوەیێ بانەرەکێ نوو هاتیە زێدەکرن کو تێدا کردارێن مرۆڤایەتیێ دەردکەڤن وەک فێربوون و ساخەلەمی و وەرزشی ژی ڤەدگریت و، کەسێ بکارئێنەر دکارە هەڤال و کەسێن دی بۆ کۆمکرنا هاریکاریێن خۆبەخش بانگهێشت بکەت.
د نها دا کەمپینا کۆمکرنا ئالیکاریان ل سەر وی لاپەری یان ژی بانەرێ نوو تێ ئەنجامدان، بۆ نموونە کۆمکرنا ئالیکاریان بۆ قوربانیێن هێرشا باژێرێ مانجستەر .
کومپانیا فەیسبوک لسەر ێ ئێکێ رژدە ژی کو کەمپینێن خوبەخش لگۆری سیاسەت و پیڤەرێن وێ بیت و هیچ کەمپینەک نابیت بێ رەزامەندیا وێ بێ بەلاڤکرن و راگەهاندن.
ز.ح
تُتاح هذه الصورة أيضا في: کوردی