داخستنا بەرنامەیێن ئایفۆنێ ب زۆری زەرەرێ دگەهینتە مۆبایلێ
ئێن ئارتى
بەشەک ژ بکارهێنەرێن مۆبایلا ئایفۆن، پشتى کار ب بەرنامەیێن مۆبایلا خۆ نەمینیت دادخن، ب نێرینا وان بڤێ رێکێ شیانێن مۆبایلا وان زێدە دبن و پاترى ژى کێمتر دهێتەبکارئینان، بەلێ ئەڤە راست نینە.
جۆن گرۆبەر گەشەپێدەر و چاڤدێر ل کۆمپانیا ئەپل د وی دەربارێ دا نڤیسیە، داخستنا بەرنامەیێن ئایفۆنێ پشتى بکارئینانێ، زەرەر دگەهیتە مۆبایلێ.
گرۆبەر گوتیە، ئەو بەرنامەیێن ئایفۆن و ئایپاد کو هاتینە ڤەکرن و نەهێنە بکارئینان ژ کارکرنێ دراوەستن، ئانکو ژێدەرێن سیستەمی بکارناهێن و کارى لسەر مۆبایلێ ژى ناکەن، کو ئەڤە بەرۆڤاژى کۆمپیۆتەرێ یە و زێدەبارێ بچیکرنا بەرنامەیان (مینیمایر) لسەر شاشەی، بەرنامەیێن ڤەکرى کار دکەنە سەر پاتریێ و کۆمپیۆتەرێ.
جۆن گروبەری بەحس ل وێ چەندێ ژى کریە، ڤەکرن و داخستنا بەرنامەیێن مۆبایلا ئایفۆن ژێدەرێ سیستەمی بکاردئینیت.
گوت ژى، “سیستەمێ ئاى ئۆ ئێس د چالاکرنا بەرنامەیێن راگرتیدا سی پی یو (وزە) کێمتر دهێتە بکارئینان، لهەمبەر ب ڤەکرنا وان بەرنامەیێن کو پێشتر ب زۆرێ هاتینە داخستن، ئانکۆ ب زۆری داخستنا بەرنامەیان نەکو مفایێ ناگەهینتە مۆبایلێ بەلکۆ زەرەرێ ژى دگەهینتە مۆبایلێ و پاتر زێدەتر دهێتە بکارئینان و دەمەکێ زۆرتر دڤێت هەیا ئەو بەرنامەیێن ب زۆری هاتینە داخستن دووبارە بهێنە ڤەکرن”.
هـ.س
تُتاح هذه الصورة أيضا في: کوردی