ئەڤ کارنە پاتريا مۆبایلێ ژناڤ دبهن
ZNA – ھەولێر
چەند کارێک ھەیە پێویستە خۆتی لێ بەدوور بگریت لەبەکارھێنانی مۆبایلەکەت , بۆ نموونە پاتری مۆبایل زۆر ھەستیارە و پێویستە لەسەرت بەشێوەیەکی باش مامەڵەی لەگەڵ بکەی و خۆت بەدوور بگری لە ھەندێک ھەڵە کە لەوانەیە بەشێوەیەکی عەفەوی بیکەی …
١.بارگاوی کردنەوەی مۆبایلەکەت لەرێگەی کۆمپیۆتەر :
کاتێک مۆبایلەکەت بە کۆمپیۆتەر بارگاوی دەکەیتەوە بەبەکارھێنانی دەرچەی (USB)، ئەمە پێویستی بە کاتێکی زۆر ھەیە ، ھەروەھا کارێکی خراپە بۆ پاتری مۆبایلەکەت، چونکە ئەو وزەیەی لە (USB) دەردەچێت جیاوازە و بەچەند شێوەیەکی جیاواز ووزەی کارەبای رەوانەی مۆبایلەکەت دەکات، ئەمەش کاریگەری لەسەر پاتری مۆبایلەکەت دەبێت و لەناوی دەبات، لەبەر ئەمە ئامۆژگاریت دەکەم شاحنەی ئەسڵی بەکاربێنە و با لەرێگەی کارەبای سەەرکی بیت, ئەمەش باشترین شتە بۆ پارێزگاری کردن لە پاتریەکەت .. بیرت نەچێت (شاحینەی ئەسڵی) بێت ..
٢. چاوەڕێ کردن تا بارگاوی مۆبایلەکە کۆتایی دێت :
ئەگەر رێژەی بارگاویەکەت گەیشتە (٢%) کەواتە تۆ زۆر درەنگ کەوتووی لەبارگاوی کردنەوەی مۆبایلەکەت, بەپێی یەکێک لە توێژینەوەکان دەرکەوتووە کە بارگاوی کردنەوەی مۆبایلەکەت بەشێوەیەکی رێک و پێک سودێکی زۆری بۆ مۆبایلەکەت دەبێت ..
بیرت نەچێت گەر بارگاوی مۆبایلەکەت گەیشتە لە ٣٠ – ٥٠ % ئەوا جارێکی دیکە بارگاوی بکەوە ..
٣. بارگاوی کردنەوەی مۆبایل بەشەوان و بۆ ماوەیەکی زۆر :
گەر مۆبایلەکەت شەوانە لەکاتی نووستن خستە سەر شەحن، کەواتە تۆ بۆماوەیەکی زۆر مۆبایلەکەت لەسەر ئەم دۆخە جێدەھێلێت و جاری وا ھەیە دەگاتە ٨ کاتژمێر , ئەمەش وا دەکات بە تێپەڕبوونی کات چالاکی پاتریەکەت کەم بێتەوە، چونکە رووبەرووی پاڵەپەستۆیەکی زۆر دەبێتەوە و کاریگەری لەسەر ئاوێتەکانی لیسیۆمی پاتریەکە دەبێت.
وەک ئامۆژگاریەک پێویستە لەسەرت مۆبایلەکەت لە ٨٠% زیاتر بارگاوی نەکەی، ھەرچەندە بەداخەوە ھیچ ئەپێک نییە تا کۆنترۆلی بارگاوی کردنەکە لەم رێژەیە بکات , بەڵام ھەوڵبدە لەو رێژەیە زیاتر نەبێت و رۆژانەش مۆبایلەکەش بە شاحینەی ئەسڵی بارگاوی بکەیتەوە ..
تُتاح هذه الصورة أيضا في: کوردی