تۆرا لالش
ئیرۆ سێ شەمبێ، 7ی تەمموزا 2026، شاندەکێ نڤیسینگەها مەسرور بارزانی، سەرۆکێ حکومەتا هەرێما کوردستانێ و بنگەهێ لالش ل دهۆکێ سەرەدانا بابێ شێخ ل کۆمەلگەها شێخکا کرن، ب هەلکەفتا ڕۆژییێن چلەیێ هاڤینێ.

د هەڤدیتنێ دا، بابێ شێخ “شێخ عەلی شێخ ئەلیاس” و د. کاروان محەمەد سابیر، ژ نڤیسینگەها مەسرور بارزانی، سەرۆکێ حکومەتا هەرێما کوردستانێ، سەعید جردۆ، سەرۆکێ بنگەهێ لالش ل دهۆکێ و ب بەرهەڤبوونا د. سەعید خودێدا، جێگرێ سەرۆکێ بنگەهی و ئەندامێن دەستەیا بلند، چەندین بابەت و پرسێن گرێدایی ب جڤاکێ ئێزدی ڤە بەحس کرن، دوپاتی ل سەر بەردەوامبوونا هەڤکاری و پەیوەندییان د ناڤبەرا سازی و کەساتییان دا کر، ژ پێخەمەت خزمەتکرنا جڤاکی و پاراستنا ئێکگرتن وتەباییێ.

شاندێ هەڤپشک، سوپاسی و پێزانینێن خۆ پێشکێشی بابێ شێخ کرن و دەستخۆشی ل ڕۆلێ وی یێ ئۆلی و جڤاکی کر، هەروەسا بەرهەڤییا خۆ نیشاندان بۆ بەردەوامبوونا پەیوەندییان و مفا وەرگرتنێ ژ ئامۆژگارییێن وی، ب ئاوایەکی کو د بەرژەوەندییا جڤاکێ ئێزدی و پێکهاتەیێن دەڤەرێ دا بت و بهایێن پێکڤەژیان و ئاشتییێ بەرفرەهتر بکەت.