Xelkê Şingalê hewlên xwe bo derxistina PKKê ji Şingalê xurt dikin

Basnews

Qaymeqamê Şingalê dibêje, xelkê Şingalê hewlên xwe bo derxistina PKKê ji Şingalê xurt kirine.

Mehma Xelîl ji BasNewsê re got, divê çekdarên PKKê hurmeta îradeya xelkê Şingalê bigirin û baregehên xwe ji Şingalê derxînin.

Xelîl her wiha got, xelkê Şingalê bi rêya saziyên navdewletî hewl û guvaşên xwe bo derxistina PKKê ji Şingalê xurt kirine da ku ew sazî bikarin derbasî Şingalê bibin û wê deverê avedan bikin.

Parlamenterê êzîdî Şêx Şamo jî ji BasNewsê re gotibû, PKK ji aliyê Amerîka ve hatiye agahdarkirin ku ji Şingalê derkeve.

تُتاح هذه الصورة أيضا في: Kurdî