Festîvala Folklorî ya Duhokê dest pê kir

Festîvala Folklorî ya Duhokê dest pê kir

Festîvala Folklorî ya Duhokê îro duşemiyê bi beşdarbûna çend komên ji her 4 parçeyên Kurdistanê dest pê kir.

Festîvalê îro 10ê Nîsanê dest pê kir û dê heta dibe 11ê mehê berdewam be. Di vê festîvala folklorî de, 20 komên ciyawaz ên ji her çar parçeyên Kurdistanê beşdar bûne.

Rêveberriya Rewşenbîrî û Hunerî ya Parêzgeha Duhokê bi erkê sazkirina vê festîvala folklorî rabûye û xerciyên wê jî ji aliyê sektora taybet ve hatiye dabînkirin.

Herwiha di vê festîvalê de, mûzîk û stran, dengbêjî, dîlan û govend û çendên çalakiyên din dê bêne pêşkêşkirin.

Pêşkêşkirina folklora deverên ciyawaz ên Kurdistanê yek ji çalakiyên festîvalê ye.

Rêkxerekî festîvalê li cihê birêveçûna festîvalê daxuyanî da Rûdawê û ragihand, ku wan bi pêwsît zanî ku di dema niha de festîvaleke wisa li dar bixin.

Wî rêkxerê festîvalê got: “Me di vê qonaxa niha de bi giring zanî. Bi taybet duh 9ê Nîsanê, roja ketina rejîma Besi bû, bi dehan rejîm Beis werin jî, Kurd nakevin û dê bi kultura xwe û resenatiya xwe berdewam bin”.

تُتاح هذه الصورة أيضا في: Kurdî