Yekîtiya Ewropa derbarê Sûriyê de biryareke nû da

Hewlêr (Rûdaw) – Piştî hilbijartinên Serkomariya Sûriyê, Yekîtiya Ewropa cezayên aborî û siyasî li ser hikûmeta wî welatî û kesayetiyên wê dirêj kir.

Parlementoya Yekîtiya Ewropa derbarê cezayên li ser rêjîma Sûriyê û alîkarên wê de daxuyanî da.

Yekîtiya Ewropa eşkere kir, ku hemû kesayetî û kompaniyên ku berê hatibûn cezakirin, dê heta saleke din di lîsta cezayan de bimîninê, lê xwarin û alîkariyên pizîşkî nakevin nava vê biryarê.

Niha 283 kes û 70 sazî û dezgehên Sûrî di lîsteya Yekîtiya Ewropayê ya cezaya Sûriyê de ne. Di nava cezayan de derketina derveyî welat hatiye ferizkirin û di aliyê madî de jî hatin cezakirin.

Herwiha cezayên li ser Sûriyê hatine ferzkirin ku petrola xwe bikar neyne, pereyên ku di bankên Yekîtiya Ewropayê de ne neyên bikar anîn û înternet û toreyên telefonan dê werin şopandin.

Ew ceza li gor biryara nû dê heta 1ê Hezîrana 2022yê berdewam bin.

تُتاح هذه الصورة أيضا في: Kurdî